The Herald

The Herald is 'n oggendblad in Port Elizabeth wat vroeër as die Eastern Province Herald bekend gestaan het.

Dit is een van die oudste koerante in Suid-Afrika en het reeds op 7 Mei 1845 die eerste keer verskyn. Dit is egter nie die oudste dagblad nie, omdat dit eers op 31 Januarie 1898 'n dagblad geword het. The Herald se verwante aandblad, Evening Post, se publikasie is in 2000 gestaak.

Avusa Media Limited besit The Herald, asook die enigste ander dagblad in die Oos-Kaap, Daily Dispatch van Oos-Londen. Die sirkulasie van The Herald is 27 557 (dieselfde as in 1982), met sowat 194 000 lesers.

Sien ook

• Lys van Suid-Afrikaanse dagblaaie

Eksterne skakels

• Die koerant se webwerf Geargiveer 14 April 2014 op Wayback Machine

Bronne

• Rosenthal, Eric, "Encyclopaedia of Southern Africa", Juta and Company Limited, Kaapstad, 1978.
• Avusa se handelsmerke Geargiveer 31 Maart 2009 op Wayback Machine