Spesiale Diensbataljon

in Wikipedia, die vrye ensiklopedie
Spesiale Diensbataljon
Skouerwapen van die SDB
Skouerwapen van die SDB
Skouerwapen van die SDB
Gestig 1 Mei 1933
Ontbind 1953
Land Unie van Suid-Afrika
Weermagdeel Suid-Afrikaanse Weermag‎
Veldslae Tweede Wêreldoorlog

Die Spesiale Diensbataljon is 'n pantserregiment in die Staande Mag van die Suid-Afrikaanse Leër. Dit is in 1933 gestig, en het aan die Tweede Wêreldoorlog, die Grensoorlog, die Angola-veldtog (1975-76), en die Noodtoestand deelgeneem.

Geskiedenis (kronologie)[wysig | wysig bron]

1930's

  • Die eenheid word op Roberts Heights gestig as deel van die regering se pogings om werkloosheid gedurende die depressiejare te bekamp. Blanke matrikulante kon vrywillig aansluit vir 'n jaar se opleiding waarna hulle betrekking in of die Staande Mag of die staatsdiens aangebied is.
  • Met die uitbreek van die Tweede Wêreldoorlog in 1939 word die SDB in 'n konvensionele infanteriebataljon omskep.

1940's

  • Die bataljon word in 1943 in 'n pantsereenheid omskep.
  • Italiaanse-veldtog (1944-45) - aktiewe diens in Italië, insluitend die slagte van Celleno, Florence, die Gotiese Lyn, en die deurbraak na die Po-vallei.
  • In 1947 word die SDB formeel by die Staande Mag ingelyf en in twee bataljonne verdeel: 1 SDB (pantser) en 2 SDB (infanterie). Die hoofkwartier is in Bloemfontein.

1950's

  • 2 SDB word tot 1 SA Infanteriebataljon herdoop.
  • Vanaf 1952 tot 1967 is burgers vir diensplig geloot - die SDB word die basiese opleidingseenheid vir lotelinge wat.by die pantserkorps ingedeel is.
  • Naam word in 1953 na '1 Spesiale Diensopleidingsbataljon' verander.

1960's

  • Vanaf 1968 tot 1993 was nasionale diensplig verpligtend - die SDB bly die pantserkorps se basiese opleidingseenheid maar keer terug na sy oorsponklike naam.

1970's

  • As gevolg van die uitbreiding van nasionale diensplig word die SDB in1973 weer in twee bataljonne (1 SDB en 2SDB) verdeel.
  • Grensoorlog (1966-89) - verskeie operasionele diensbeurte in noordelike Suidwes-Afrika en Angola.
  • Angola-veldtog (1975-76).

1980's

  • Noodtoestand (1985-90): verskeie keer vir binnelandse veiligheidsdienste opgeroep.

1990's

  • Sedert 1994 is militêre diens weer op 'n vrywillige basis.

Gevegsonderskeidings[wysig | wysig bron]

  • Italy 1944-45; Celleno; Florence; The Greve; Gothic Line; Po Valley.

Verwysings[wysig | wysig bron]

  • Otto, W. (1972). Die geskiedenis van die Spesiale Diensbataljon.
  • Otto, W. (1973). Die Spesiale Diensbataljon 1933-1973.