Spiderhead
| Spiderhead | |
|---|---|
| Regisseur | Joseph Kosinski |
| Vervaardiger |
|
| Draaiboek |
|
| Geskoei op | "Escape from Spiderhead", 'n kortverhaal deur George Saunders |
| Met |
|
| Musiek deur | Joseph Trapanese |
| Kinematografie | Claudio Miranda |
| Ateljee |
|
| Verspreider | Netflix |
| Uitgereik | 11 Junie 2022, Sydney 17 Junie 2022, VSA |
| Speeltyd | 107 minute |
| Land | VSA |
| Taal | Engels |
| IMDb-profiel | |
.jpg)
Spiderhead is 'n Amerikaanse wetenskapsfiksierolprent / sielkundige riller van 2022 wat deur Joseph Kosinski geregisseer is. Dit is deur Rhett Reese en Paul Wernick geskryf, en is geskoei op die distopiese kortverhaal "Escape from Spiderhead" van 2010 deur George Saunders. Die hoofakteurs is Chris Hemsworth, Miles Teller en Jurnee Smollett. Die storie gaan oor gevangenes in 'n luuksetronk wat deelneem aan proefnemings met middels wat die verstand verander. Skietwerk het in 2020 in Australië begin.[1]
Spiderhead se première was op 11 Junie 2022 in Sydney, en dit is op 17 Junie op Netflix uitgereik. Die prent het gemengde resensies gekry.
Rolverdeling
[wysig | wysig bron]- Chris Hemsworth as Steve Abnesti
- Miles Teller as Jeff
- Jurnee Smollett as Lizzy
- Mark Paguio as Mark Verlaine
- Tess Haubrich as Heather
- Angie Milliken as Sarah
- Stephen Tongun as Ray
- Daniel Reader as Ryan
- Sam Delich as Adam
- BeBe Bettencourt as Emma
- Joey Vieira as Miguel
- Ron Smyck as Dave
Storielyn
[wysig | wysig bron]Bederwingswaarskuwing: Die storielyn en/of storie se einde volg hieronder.
Spiderhead is ’n moderne strafgevangenis op 'n eiland waar met die uitwerking van chemikalieë geëksperimenteer word. Die proefkonyne, tegnies staatsgevangenes, is vrywilligers vir die projek met die doel om hulle vonnistyd te verkort. Die program staan onder toesig van die simpatieke en gasvrye Steve Abnesti en sy assistant, Mark. Die gevangenes het hulle eie kamers, doen huishoudelike take en mag vry rondbeweeg sonder toesig van wagte. Hulle ondergaan daaglikse toetse met verskeie middels, wat hulle emosies en hulle waarneming van hulle omgewing verander.
Die gevangene Jeff, wat steeds geskok is nadat hy sy vriend se dood in 'n dronkbestuurvoorval veroorsaak het, kry N-40, ’n “liefdesmiddel” wat sy sintuie verdraai en hom dryf om seks met twee van sy medegevangenes te hê. Steve vra hom om te kies aan watter een van hulle Darkenfloxx toegedien moet word; dit is ’n middel wat intense vrees en sielkundige pyn veroorsaak. Jeff weier om te kies.
Die volgende dag bring Steve Jeff na die waarnemingskamer en vertel hom dat die “hoër gesag” besluit het die jongste vrou, Heather, moet ’n dosis kry, al is dit net vir vyf minuter. Jeff stem teësinnig in, en tot sy afgryse pleeg Heather selfmoord terwyl sy onder die invloed van Darkenfloxx is. Dit laat Mark aan hulle werk by die gevangenis twyfel. Terwyl Steve haastig die waarnemingskamer verlaat, laat val hy sy sleutels. Jeff sluit Steve se lessenaarlaai oop en ontdek dat daar geen “hoër gesag” is nie: Die tronk word deur Abnesti Pharmaceuticals, Steve se maatskappy, bestuur. Die middels se name kom van 'n bingokaart af.
Steve en Jeff raak saam bedwelm op ’n lagmiddel, aangesien Steve ook ’n MobiPak met dwelmmidels geïnstalleer het. Steve vertel vir Jeff dat sy pa hom as kind verlaat het. Jeff bieg teenoor Lizzy, ’n gevangene na aan hom, dat hy nie net sy vriend in die motorongeluk doodgemaak het nie, maar ook sy vriendin. Lizzy druk hom vas en hulle soen. Steve merk Jeff se gevoelens vir Lizzy op. Mark begin twyfel aan Steve se motiewe, en hy gee emosioneel in toe Jeff hom konfronteer.
Toe Steve vir Jeff vra om Darkenfloxx aan Lizzy toe te dien, neem Jeff beheer van Steve se MobiPak, ontbloot dat Mark sy MobiPak met Darkenfloxx besmet het, en dwing hom om die ware doel van die program te erken: die toetsing van ’n gehoorsaamheidsmiddel, B-6. Die ander middels was slegs neweprojekte wat gebruik is om B-6 tot die uiterste te beproef: of mense bereid sou wees om hul geliefdes leed aan te doen wanneer hulle die bevel kry. Die gevangenes het heeltyd ingestem tot die verskillende toetse, maar hulle was in werklikheid reeds onder die invloed van die gehoorsaamheidsmiddel.
Steve lig Jeff in dat hy in werklikheid reeds sewe maande tevore sy vonnis voltooi het, terwyl Lizzy se aansoek om vrylating die vorige week reeds goedgekeur is. Jeff dwing Steve om die hoofdeur oop te maak om Lizzy te bevry. Steve gryp sy foon en aktiveer al vier flessies Darkenfloxx in Lizzy se MobiPak, wat veroorsaak dat sy histeries optree en probeer selfmoord pleeg. Die twee baklei om beheer, en Jeff slaag daarin om Steve te ontwapen. Hy beskadig sy MobiPak in die proses. Jeff haas hom om Lizzy te red, verwyder suksesvol die flessies Darkenfloxx en sê vir haar hy is lief vir haar, maar Steve staan op en beveel die ander gevangenes om Jeff en Lizzy vas te trek. Die twee slaag daarin om uit Spiderhead te ontsnap nadat hulle sommige van die ander gevangenes oorrompel en die hoofdeur agter hulle toegesluit het. Mark en die polisie is reeds op pad na die eiland terwyl Steve met sy watervliegtuig probeer ontsnap, maar hy stort juigend teen ’n berg neer aangesien hy nou onder die invloed van sy beskadigde MobiPak is. Intussen neem Jeff en Lizzy die laaste motorboot en ontsnap.
Verwysings
[wysig | wysig bron]- ↑ Wiseman, Andreas (11 November 2020). "Miles Teller, Shailene Woodley & William Hurt To Star In Timely Political Satire 'The Fence' From Icelandic Director Grimur Hakonarson — AFM Hot Pic". Deadline Hollywood. Besoek op 23 November 2020.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
