Spikkel-skreeubaber

in Wikipedia, die vrye ensiklopedie
Jump to navigation Jump to search
Spikkel-skreeubaber
Bewaringstatus

Status iucn3.1 LC af.svg
Veilig (IUBN 3.1)[1]

Wetenskaplike klassifikasie
Domein: Eukaryota
Koninkryk: Animalia
Filum: Chordata
Subfilum: Vertebrata
(Cuvier, 1812)
Infrafilum: Gnathostomata
Superklas: Osteichthyes
(Huxley, 1880)
Klas: Actinopterygii
Subklas: Neopterygii
Infraklas: Teleostei
Superorde: Ostariophysi
Orde: Siluriformes
Familie: Mochokidae
(Jordan, 1923)[2]
Genus: Synodontis
(Cuvier, 1816)[3]
Spesie: S. nigromaculata
Binomiale naam
Synodontis nigromaculata
(Boulenger, 1905)[4]
Sinonieme
  • Synodontis colyeri (Boulenger, 1923)
  • Synodontis melanostictus (Boulenger, 1906)
  • Synodontis nigromaculatus (Boulenger, 1905)[5]

Die Spikkel-skreeubaber (Synodontis nigromaculatus) is 'n varswater vis wat voorkom in die Okavango- en boonste gedeelte van die Zambeziriviere in Suider-Afrika. Hulle kom ook voor in die Kongorivier, Kasairivier en Tanganjikameer. In die Caprivi staan die vis bekend as die Gespikkelde knorvis terwyl die vis in Engels bekend staan as die Spotted squeaker.

Voorkoms[wysig | wysig bron]

Die vis se kop is hard, beenagtig, met ‘n pantserplaat, waarvan die twee plate agter die kiewe ‘n skerp driehoek vorm. Daar is drie paar baarde, waarvan die onvertakte buitenste paar langer as die kop is. Die ander twee pare is ook lank maar vertak. Daar is 30-40 tande in die onderkaak.

Die rugvin is driehoekig, die stekel langer as die kop en skerp met weerhakkies. Die vetvin is goed ontwikkel. Die stertvin is V-vormig en goed ontwikkel. Die anale vin is goed ontwikkel en vorm ook ‘n driehoek. Die buikvin is gepaard en goed ontwikkel. Die borsvin is gepaard, net so lank as die rugvin, die stekels is sterk, skerp met weerhakkies wat in die teenoorgestelde rigting gebuig is.

Die vis se vorm is soos die van ‘n haai. Die vis is geel tot olyfbruin, die vinne is effens ligter gekleurd. Daar is klein kolletjies oor die hele vis, ook oor die kop.

Die vis word tot 300 mm lank en die Suid-Afrikaanse hengelrekord is 0,145 kg.

Habitat[wysig | wysig bron]

Die vis kom orals voor; sand of modderbodem, diep stilstaande of vinnigvloeiende water of plantbegroeide kuile. Die bodem bepaal sy kleur, byvoorbeeld sand = liggeel, modder = donker.

Hy is ‘n omnivoor en vreet alles maar ‘n klein hoekie met ‘n stukkie vleis, vis of erdwurm is sy ondergang.

Sien ook[wysig | wysig bron]

Bron[wysig | wysig bron]

Verwysings[wysig | wysig bron]

  1. [ UICN] (en)
  2. uBio (en)
  3. Cuvier G. 1816. Le Règne Animal distribué d'après son organisation pour servir de base à l'histoire naturelle des animaux et d'introduction à l'anatomie comparée. Les reptiles, les poissons, les mollusques et les annélides. Edition 1. Règne Animal (ed. 1) v. 2. i-xviii + 1-532.
  4. BioLib (en)
  5. Catalogue of Life (en)

Eksterne skakel[wysig | wysig bron]