Spinstraat, Kaapstad
Spinstraat is ‘n kort straat in die historiese dorpskern van Kaapstad.
Die straat is tussen Parlementstraat en Pleinstraat, ‘n suidoostelike voortsetting van Burostraat en ‘n noordwestelike voortsetting van Mostertstraat. Dit grens aan Kerkplein.
In 1704 het W.A. van der Stel probeer om ‘n synywerheid aan die Kaap te vestig, maar blykbaar het die eiers van die sywurms nie uitgebroei nie. Dekades later het ‘n Franse kenner van die sybedryf en sy gesin hulle aan die Kaap gevestig. Die VOC het aan hom ‘n skuur, later bekend as De Oude Schuur, op die noordwestelike hoek van Plein- en Spinstraat beskikbaar gestel. Binne ‘n jaar produseer syspinner Gilliame 84 lb sy. Hierdie poging om die sybedryf te vestig, misluk ook omdat die fabriek in 1790 afbrand.
Bibliografie
[wysig | wysig bron]- Green, Lawrence G.: Grow lovely, growing old. The story of Cape Town’s three centuries – the streets, the houses, the characters, the legends, traditions and folklores, the laughter and tears. Kaapstad: Howard B. Timmins, 1951