Spreuerhofstraße

in Wikipedia, die vrye ensiklopedie
Spreuerhofstraße

Die Spreuerhofstraße is 'n stegie in Reutlingen, Baden-Württemberg, Duitsland, se ou middestad. Dit is slegs 50 meter lank en vurk by sy noordelike end na drie naburige huise, waar die westelike arm luidens die Guinness Book of Records die "smalste straat ter wêreld" is.[1] Die breedte van die straat is gemiddeld 40 sentimeter, en sy nouste punt is 31 sentimeter breed.

Die spleet, of eerder, die wandelgebied naaste aan die gebou met die huisnommer 9, het 'n lengte van 3,80 meter. Omrede die stegie op munisipale grond geleë is, kan dit amptelik as 'n openbare pad gereken word. Vandaar die moontlikheid vir die titel as die smalste straat.[2]

Geskiedenis[wysig | wysig bron]

Die stegie is gebou ná die brand van 1726, waar bykans 80 persent van die woonhuise en die meeste openbare geboue vernietig is; dit is in 1820 as plaaslike pad met die straatnommer 72 aangewys.[3] Die Spreuerhof was oorspronklik 'n graanpakhuis vir die Reutlingen-hospitaal en het vermoedelik as 'n ontsnappingsroete gedien.[4] Ná pogings deur Reutlingen se Toerismebestuurderes van stadsbemarking[4] word dit in 2007 as die smalste straat ter wêreld in die Guinness Book of Records aangeteken.[3] Tevore dra Parliament Street in die Suid-Engelse stad Exeter hierdie titel. Tans is Spreuerhofstraße 'n besienswaardigheid van Reutlingen en dit is ook bewandel deur die voormalige Staatspresident van die Volksrepubliek van China, Hu Jintao.[4]

Die aangrensende huis met die nommer 9 is tans in 'n bouvallige toestand. Weens die verrotte balke neig dit steeds toenemend tot versmalling van die stegie. Die afstand tussen die dakgeute en die aangrensende gebou is nou minder as een sentimeter. Omrede die eienaar die huis nie mag moderniseer nie en die rekordtitel deur sloping bedreig sal word, is daar tans die oorweging om die huis te verkoop. Private beleggers het reeds belangstelling getoon om die huis te koop en te restoureer.[5]

Ander[wysig | wysig bron]

Die plaat word met spesiale skroewe beveilig

Nadat meer as 20 van die bordjies gesteel is wat die rekord van die nouste straat ter wêreld aanwys, is die laaste een met spesiale verseëling eerder as eenvoudige skroewe gemonteer.[6]

Verwysings[wysig | wysig bron]

  1. (en) Narrowest Street Guinness Word Records
  2. (de) 31 Zentimeter breite Straße, Das bisschen Weltrekord Spiegel-Online van 10 Julie 2012
  3. 3,0 3,1 (de) Engste Straße der Welt schwebt in Gefahr Geargiveer 29 Oktober 2013 op Wayback Machine tagblatt.de van 15 Augustus 2012
  4. 4,0 4,1 4,2 (de) Die schwäbische Stadt Reutlingen will die engste Straße der Welt retten Süddeutsche Zeitung van 10 Augustus 2012
  5. (de) Die schmalste Straße der Welt GEOaudio Magazin
  6. (de) Bildbeschreibung by Spiegel-Online

Eksterne skakels[wysig | wysig bron]

Koördinate: 48°29′27″N 9°12′57″O / 48.4908°N 9.2157°O / 48.4908; 9.2157