Srebrenica
Srebrenica (Serwies: Сребреница; uitspraak: Srêbrenitsa) is ’n dorp en munisipaliteit in Bosnië en Herzegowina, geleë in die Republika Srpska-entiteit. Dit is ’n klein bergdorpie, met soutmynbou as sy vernaamste bedryf[1] en ’n nabygeleë spa.
Tydens die Bosniese Oorlog in 1995 was Srebrenica die terrein van die moord op meer as 8 000 Bosniese mans en seuns,[2] wat daarna deur die Internasionale Kriminele Tribunaal vir die voormalige Joego-Slawië (ICTY) en die Internasionale Geregshof as ’n daad van volksmoord aangewys is.
Dit is gepleeg deur eenhede van die Bosnies-Serwiese leër van die Republika Srpska onder bevel van Ratko Mladic, hoewel die Serwiese paramilitêre eenheid ook deelgeneem het.[3][4] Daarbenewens is 25 000 tot 30 000 Bosniërs, hoofsaaklik vroue en kinders, mishandel en met geweld uit Srebrenica verdryf. Die slagting vorm die eerste wetlik erkende volksmoord in Europa sedert die einde van die Tweede Wêreldoorlog.[5]
Volgens 2013-syfers het die dorp ’n bevolking van 2 607 inwoners, terwyl die munisipaliteit 13 409 inwoners het. Voor die oorlog was die munisipaliteit se Bosniese bevolking 27 542 (75,12%) en die Serwiese bevolking 8 315 (22,68%). Volgens 2013-syfers was die ooreenstemmende syfers 7 248 Bosniërs (54,05%) en 6 028 Serwiërs (44,95%).
Verwysings
[wysig | wysig bron]- ↑ Hajdarbegovic, Emir. "Istorijat Srebrenice". www.srebrenica.gov.ba (in Engels). Geargiveer vanaf die oorspronklike op 31 Oktober 2020. Besoek op 8 Maart 2021.
- ↑ Bosnian Institute UK, the 26-page study: "Prelude to the Srebrenica Genocide – mass murder and ethnic cleansing of Bosniaks in the Srebrenica region during the first three months of the Bosnian War (April–June 1992) Geargiveer 6 September 2013 op Wayback Machine", 18 November 2010.
- ↑ Williams, Daniel. "Srebrenica Video Vindicates Long Pursuit by Serb Activist". The Washington Post. Besoek op 26 Mei 2011.
- ↑ "ICTY – Kordic and Cerkez Judgement – 3. After the Conflict" (PDF). Besoek op 11 Julie 2012.
- ↑ "IMPR Report News". Geargiveer vanaf die oorspronklike op 6 Oktober 2014. Besoek op 12 Julie 2024.
The July 1995 events have become the first legally established case of genocide in Europe since the Second World War.
Skakels
[wysig | wysig bron]
Wikimedia Commons het meer media in die kategorie Srebrenica.
Hierdie artikel is in sy geheel of gedeeltelik uit die Engelse Wikipedia vertaal.
