St Bride-biblioteek

in Wikipedia, die vrye ensiklopedie
Jump to navigation Jump to search

Die St Bride-biblioteek in Bride Lane, Fleet Street, Londen is 'n vakbiblioteek wat deur die St Bride Foundation bedryf word en hom op werke oor druktegnieke, grafiese ontwerpkuns en die druk- en perswese toespits. Die biblioteek, wat in 1895 geopen is, het van begin af as tegniese vakbiblioteek en as skool vir druktegnieke gedien. Die skool is intussen verplaas en staan tans bekend as die London College of Communication. Met meer as 50 000 boektitels uit dié vakgebiede en 3 500 tydskrifte word die St Bride-biblioteek as die grootste vakbiblioteek oor drukwese ter wêreld beskou.

Sy versamelings sluit die biblioteek van William Blades, die Victoriaanse meesterdrukker en skrywer van 'n biografie oor William Caxton, asook dié van Talbot Baines Reed, 'n ontwerper van drukskrifte en geskiedkundige, en John Southward, 'n joernalis op die gebied van tegniese drukkuns, in.

Die biblioteek bied daarnaas vir belangstellendes kursusse oor druktegnieke aan waarvoor sommige van die oudste drukperse in Engeland gebruik word.

Eksterne skakels[wysig | wysig bron]