Stella Blakemore

in Wikipedia, die vrye ensiklopedie
Spring na: navigasie, soek

Stella Blakemore (13 April 1906Mei 1991) was 'n populêre Suid-Afrikaanse skrywer wat Afrikaanse jeugboeke geskryf het.[1]

Agtergrond[wysig]

Blakemore is in 'n tent naby Lindley in die Vrystaat gebore, maar gaan in Natal skool. Haar ma was 'n musiekonderwyser van Boere afkoms en haar pa was kaptein Percy Blakemore, 'n offisier in die Britse leër. Haar pa, Blakemore verlaat sy vrou en kind na vier jaar om 'n professionele kaartspeler te word. Haar mees bekende skuilnaam, Theunis Krogh, is afgelei van haar oupa aan haar ma se kant - Theunis Johannes Krogh, die ondersekretaris van die Suid-Afrikaanse Republiek onder die administrasie van President Paul Kruger.

Nadat sy hoërskool voltooi het studeer sy klavier en sang by die Royal Academy of Music in Londen, asook opera in Duitsland. Daarna keer sy na Suid-Afrika terug, waar sy vir 'n tyd skool in Johannesburg en Pretoria gegee het.

In 1933 trou sy met die Walliese David Owen, 'n siviele ingenieur, in Londen, wat 'n tyd van wêreldwye reise vir haar inlui. Die het onder andere in Ghana, die Ivoorkus, Italië, Engeland, Swaziland, Nigerië, Duitsland en Ierland gewoon. Sy het in die 1920's in Duitsland begin skryf, haar eerste werk was 'n toneelstuk getiteld: "Die Goue Sleutel".

Die egpaar het twee kinders gehad, Peter en Salene, beide van hulle was aangeneem.

Die Meisies van Maasdorp, die eerste boek in haar Maasdorp-reeks, is in 1932 gepubliseer. Vyftien ander boeke volg in die reeks. Blakemore het ook twintig boeke in haar Keurboslaan-reeks gepubliseer (onder haar manlike skuilnaam, Theunis Krogh). Sy het ook boeke onder die skuilname Analize Biermann, Stella Owen en Diem Grimbeeck gepubliseer.

Beide haar reekse, Maasdorp en Keurboslaan het 'n belangrike bydrae tot die Afrikaanse letterkunde gelewer en het 'n ​​liefde vir lees by baie Suid-Afrikaanse kinders gevestig.

Sy sterf in 1991 op die ouderdom van 85 in Noord-Ierland. Sy het 66 boeke oor haar leeftyd geskryf.

Verwysings[wysig]

  1. Author Focus: Stella Blakemore: Biographical info”. Kwela Books. URL besoek op 27 Februarie 2010.