Stephen Gray

in Wikipedia, die vrye ensiklopedie
Jump to navigation Jump to search

Stephen Gray (gebore 30 September 1941 in Kaapstad) is 'n Suid-Afrikaanse skrywer en akademikus wat in Engels skryf en in die sewentigerjare verskeie literêre pryse gewen het. Hy skryf ook dramas en romans en is die redakteur van verskeie publikasies.

Lewe[wysig | wysig bron]

Nadat hy in 1959 aan die St. Andrewskollege op Grahamstad gematrikuleer het, het hy hom vir die graad B.Se. aan die Universiteit van Kaapstad ingeskryf. Hy het dit egter nie voltooi nie en is na Engeland, waar hy die graad BA-honneurs in 1964 in Cambridge behaal het. In 1969 het hy sy M.A.-graad aan dieselfde universiteit verwerf.

In dieselfde jaar het hy ook 'n M.A.-graad in die skone kunste aan die Universiteit van lowa in Amerika behaal. Hy het dié jaar ook deelgeneem aan die Iowa Writers Workshop en onder Kurt Vonnegut gestudeer.

Gray was in 1965-66 in Frankryk, waar hy Engels aan die Universiteit van d'Aix-Marseilie gedoseer het. In 1968 was hy ook as lektor aan Amerikaanse universiteite verbonde.

In 1969 het hy lektor in Engels aan die Randse Afrikaanse Universiteit geword. In 1979 het Gray die graad D.Lit. et Phil. aan dié universiteit behaal. Sy verhandeling, Southern African literature: An introduction, is in 1979 gepubliseer. ln 1982 het hy hoof van die RAU se Engelse departement geword.

Gray se eerste bundel gedigte, It's about time, is in 1974 gepubliseer. In 1975 is die bundel The assassination of Shaka met houtsnee- illustrasies deur Cecil Skotnes gepubliseer. Hottentot Venus, Gray se derde poësiebundel, het in 1969 verskyn.

Hy het ook romans en dramas geskryf. Die roman Local colour is in 1975 gepubliseer, Visible People in 1977 en Caltrop's desire in 1980. Sy drama An evening at the Vernes het in 1975 verskyn en Peepshow in 1980.

Gray was ook redakteur van verskeie literêre publikasies, onder meer Writers' territory (1973), Southern African stories of the seventies (dit is hersien en het in 1980 as Modern South African stories verskyn), A world of their own: Southern African poets of the seventies (1976), Theatre One (1978), Theatre Two (1980) en talle ander.

Verskeie artikels deur Gray oor die Suid-Afrikaanse letterkunde het in plaaslike en oorsese literêre tydskrifte verskyn. Hy was ook een van die redakteurs van die literêre tydskrif Izwi.

In die jare sewentig het hy drie literêre toekennings ontvang: die Roy Campbell-prys vir poësie (1970), die Stephen Black-prys vir drama (1971) en die Pauline Smithprys vir romanliteratuur (1972).

Romans en kortverhale[wysig | wysig bron]

Toneelstukke[wysig | wysig bron]

Poësie[wysig | wysig bron]

As redakteur[wysig | wysig bron]

Ander[wysig | wysig bron]

  • Southern African Literature: An Introduction. Barnes & Noble Imports, 1979. ISBN 0-06-492530-7.
  • John Ross: The True Story. 1987.
  • Human Interest and Other Pieces. Justified Press, 1993. ISBN 0-947451-23-4.
  • Accident of Birth: An Autobiography. COSAW Publishing, 1993. ISBN 1-874879-23-0.
  • Free-lancers and Literary Biography in South Africa. Editions Rodopi BV, 1999. ISBN 90-420-0656-0.
  • Life Sentence: A Biography of Herman Charles Bosman. Human & Rousseau, 2005. ISBN 0-7981-4484-X.

Bronnelys[wysig | wysig bron]