Stephen Gunzenhauser

in Wikipedia, die vrye ensiklopedie
Jump to navigation Jump to search
Stephen Gunzenhauser
Beroep(e)Dirigent
Portal.svg Musiekportaal

Stephen Gunzenhauser (* 8 April 1942 - ) is ‘n Amerikaanse dirigent. Hy is in New York Stad gebore en is ‘n gegradueerde van die stad se Hoërskool van Musiek en Kuns.

Hy het ‘n Baccalaureus artium in musiek aan Oberlin Kollege, 'n meestersgraad in musiek aan die New England Konservatoria en ‘n Diploma by Salzburg Mozarteum in Oostenryk behaal nadat drie opeenvolgende Fulbright-beurse aan hom toegeken is. ‘n Eredoktorsgraad in Lettere en Wysbegeerte is ook deur Widener Universiteit aan hom toegeken.

Gunzenhauser het onder beide Igor Markevich in Monte Carlo en Leopold Stokowski in New York gedien voordat hy in 1974 Uitvoerende en Artistieke Direkteur van die Wilmington Musiekskool geword het.

In 1979 is Stephen Gunzenhauser aangestel as dirigent en direkteur van musiek van die Delaware Simfonieorkes. Gunzenhauser was ook dirigent en direkteur van musiek van die Lancaster Simfonieorkes in Pennsilvanië. Die Staat van Delaware het in 1990 vir Gunzenhauser as die staat se eerste kulturele ambassadeur aangestel. In Desember 1999 het Gunzenhauser die Orde van die Eerste Staat ontvang, welke die hoogste eerbewyse is wat deur die staat van Delaware toegeken word.

Gunzenhauser is ‘n produktiewe opnamekunstenaar en het reeds oor die tweemiljoen plate verkoop. Hy het vir Naxos van hul suksesvolste titels opgeneem, insluitende werke en concertos deur Mozart, Vivaldi, Beethoven, Saint-Saëns, Brahms, Bruch, Orff, Borodin, Dvořák, Rachmaninoff, Copland, Goldmark, Paganini en Prokofiëf. Hy het ook vir die Marco Polo plate-etiket verskeie opnames gemaak van werke deur Liadov, Gliere, Dvořák, Rubinstein, Lachner, Taneyev en die Chinese komponis Chen Gang.

Hy woon tans in Wilmington, Delaware, VSA met sy vrou en twee dogters.[1]

Verwysings[wysig | wysig bron]

  1. https://www.naxos.com. Opgespoor en besoek op 20/07/2019