Steve Jobs
| Steve Jobs | |
Steve Jobs in 2007
| |
| Geboortenaam | Steven Paul Jobs |
|---|---|
| Gebore | 24 Februarie 1955 San Francisco, Kalifornië |
| Oorlede | 5 Oktober 2011 (op 56) Palo Alto, Kalifornië |
| Nasionaliteit | |
| Ouers | Paul en Clara Jobs (aanneemouers) Joanne Schieble Simpson en Abdulfattah Jandali (biologiese ouers) |
| Beroep | Medestigter, voorsitter en hoof uitvoerende beampte van Apple Inc. Primêre belegger en hoof uitvoerende beampte van Pixar Stigter en hoof uitvoerende beampte van NeXT |
| Bekend vir | Pionier van die Persoonlike rekenaar-rewolusie saam met Steve Wozniak |
| Religie | Zen-Boeddhisme (voorheen Lutheranisme)[1] |
| Huweliksmaat | Laurene Powell (1991–2011; sy dood) |
| Kind(ers) | Lisa Brennan-Jobs (met Chrisann) Reed (met Laurene) Erin (met Laurene) Eve (met Laurene) |
Steven Paul Jobs (24 Februarie 1955 – 5 Oktober 2011) was 'n Amerikaanse sakeman en medestigter en hoof- uitvoerende beampte (HUB) van Apple Inc. Jobs was voorheen ook die HUB van Pixar Animation Studios.
In die laat 1970's het Jobs saam met Apple-medestigter Steve Wozniak die eerste kommersieel suksesvolle persoonlike rekenaars geskep. In die vroeë 1980's was Jobs onder die eerstes wat die kommersiële potensiaal van die muis-gedrewe grafiese gebruikerkoppelvlak raakgesien het.[2] Nadat Jobs in 1985 'n beheerstryd met die raad van direkteure verloor het, het hy by Apple bedank en NeXT, 'n rekenaarplatform-ontwikkelingsmaatskappy gerig op die hoëronderwys- en besigheidsmarkte, gestig. NeXT se daaropvolgende oorname deur Apple Computer Inc. in 1997 het Jobs terug na die maatskappy gebring wat hy gehelp stig het, en hy het sedertdien as HUB daarvan opgetree. In 2007 is Steve Jobs as Fortune Magazine se Magtigste Sakeman vir daardie jaar aangewys.[3] In 2009 is Jobs deur Forbes as die 57ste magtigste persoon ter wêreld aangewys.[4]
In 1986 het Jobs die rekenaargrafika-afdeling van Lucasfilm Bpk. verkry, wat as Pixar Animation Studios afgestig is.[5] Hy het HUB en hoofaandeelhouer gebly totdat dit in 2006 deur Walt Disney Company verkry is.[6] Jobs was tot met sy dood nog lid van Walt Disney Company se raad van direkteure.[7][8]
Op 24 Augustus 2011 het Jobs sy bedanking by Apple aangekondig. Bietjie meer as 'n maand later op 5 Oktober 2011 het sy familie sy dood weens kanker aangekondig.[9]
Verwysings[wysig | wysig bron]
- ↑ (en) Isaacson, Walter (2011). Steve Jobs. Simon & Schuster. p. ebook.
- ↑ Kahney, Leander (6 Januarie 2004). "Wired News: We're All Mac Users Now". Wired News. Geargiveer vanaf die oorspronklike op 29 Junie 2012. Besoek op 20 September 2006.
- ↑ “Apple's Jobs is most powerful businessman-Fortune”. Fortune Magazine. 27 November 2007. URL besoek op 28 November 2007.
- ↑ Noer, Michael. “The World's Most Powerful People”. forbes.com.
- ↑ “Pixar History - 1986”. Pixar. URL besoek op 25 April 2008.
- ↑ “Apple — Press Info — Bios — Steve Jobs”. Apple Inc.. Mei 2006. URL besoek op 20 September 2006.
- ↑ 25 Januarie 2006 Disney buys Pixar for $7.4 bn, rediff.com
- ↑ “The Walt Disney Company — Steve Jobs Biography”.
- ↑ “Remembering Steve Jobs”. Apple Inc.: 5 Oktober 2011. URL besoek op 5 Oktober 2011.
Eksterne skakels[wysig | wysig bron]
Wikimedia Commons het meer media in die kategorie Steve Jobs.