Stilte (rolprent)

in Wikipedia, die vrye ensiklopedie
Jump to navigation Jump to search
Stilte
Regisseur Darrell Roodt
Met Angelique Pretorius
André Frauenstein
Altus Theart
Dienie Steenkamp
Deon Coetzee
Ateljee Azari Media
Uitgereik 12 Oktober 2012
Land Suid-Afrika
Taal Afrikaans
Amptelike webtuiste

Stilte is ’n Afrikaanse rolprent wat op 12 Oktober 2012 vrygestel word. Die rolprent is ’n inspirerende, menslike drama van ’n jong vrou se reis van smart tot vreugde en haar terugkeer tot geloof. Dit speel af in die pragtige, tydlose landskap van Oudtshoorn.

Genre[wysig | wysig bron]

Die rolprent is ’n drama. Dit het ’n ouderdomsperk van 10-jaar.

Hoofrolspelers[wysig | wysig bron]

Storielyn[wysig | wysig bron]

Antoinette van Wyk het alles om voor te lewe. Sy is jonk, mooi en ’n talentvolle sangeres. Sy is op die rand van die verwesenliking van haar drome, wanneer ’n verskriklike tragedie haar tref. In ’n geweldadige aanval in hulle huis, sterf albei haar ouers en word sy vir dood agtergelaat. Sy oorleef die beproewing en besluit om op die plaas van haar oom en tante in Oudtshoorn te gaan herstel.

Stilte is die storie van haar pad na heling. Dit is nie ’n maklike reis nie: Getraumatiseerd deur haar beproewing, weier sy om te praat, laat staan nog om weer te ​​sing. Die dokters sê daar is fisies niks fout met haar nie, maar Antoinette verkies om deur middel van ’n notaboek te kommunikeer. Dit is ’n konstante bron van hartseer, veral vir haar tante wat desperaat is om Antoinette weer gelukkig te sien.

Een Sondag tydens die oggenddiens storm Antoinette uit die kerk. Buite word sy deur die jong pastoor, Pieter, gekonfronteer. Hy is nie ’n gewone pastoor nie. Hy is in sy middel twintigs en ​​het ’n lus vir die lewe en om ander te help.

Na ’n emosionele ineenstorting stem sy in om Pieter oor haar probleme te gaan sien en in ’n emosionele oomblik is haar eerste woorde dat sy haar geloof in alles verloor het, insluitende God. Pieter is verbaas dat sy kan praat! Antoinette laat hom belowe dat hy nie aan haar oom en tante sal sê dat sy wel kan praat nie.

Haar ouers se moordenaars word gevang en sy moet terugkeer na die stad toe om hulle te gaan uitken. Sy wil nie gaan nie, maar Pieter sê dit is ’n noodsaaklike stap vir haar in die afsluiting van hierdie verskriklike hoofstuk in haar lewe. Hy stem in om haar te vergesel en te ondersteun. Dit is op hierdie reis na die groot stad dat haar en Pieter se verhouding verdiep. Terug in Johannesburg, maak dit uiteindelik vir haar sin dat haar lewe vir ’n rede gespaar is. Sy besluit om weer te sing en haar gewildheid te gebruik om ’n groter invloed op die groeiende spook van misdaad te hê.

Sien ook[wysig | wysig bron]

Eksterne skakels[wysig | wysig bron]