Stormbergplatblaar
| Stromveldplatblaar | |
|---|---|
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| (geen rang): | |
| Orde: | |
| Familie: | |
| Subfamilie: | |
| Tribus: | |
| Subtribus: | |
| Genus: | Tetrachne
|
| Spesie: | T. dregei
|
| Binomiale naam | |
| Tetrachne dregei Nees, (1841)
| |
| |
Stormbergplatblaar[1][2] (Tetrachne dregei Nees) is 'n grasspesie wat inheems is aan Lesotho en Suid-Afrika, waar dit in die Oos-Kaap, Wes-Kaap, Noord-Kaap en die Vrystaat aangetref word. Op die SANBI-rooilys is dit as veilig (LC) gelys.[3] Dit kom ook in Pakistan voor as 'n indringerplant.[4][5]
Die plant het 'n wortelstok en is 'n meerjarige polgras wat 30 -90 cm hoog kan word. Die blare word tot 13 cm lang en 1 - 5 mm breed. Dit is 'n klimaksspesie en 'n C4-plant. Dit groei baie stadig vanaf saad. Dit kan 10 jaar duur om die volwassenheid te bereik. In die wildernis ontkiem die saad selde. Vermeerdering vind dikwels deur die wortelstok plaas. Dit is 'n spesie wat hoër as 1200 m in oop berggraslande op sandige grond naby riviere of op klipperige dagsome of hellings voorkom. Plek-plek kan dit talryk wees, maar dit kan ook skaars wees. [4]
Die Stormbergplato-soetveld wat die suidelike variasie van van die droë Cymbopogon-Themeda-veld is, is 'n voorbeeld van sy voorkomsgebied. Dit lê op 'n hoogte van 1200-1500 m en ontvang 450-500 mm /jaar reën. Dit was vroeër veral waardevolle skaapveld deurdat stormbergplatblaar hier voorgekom het. Die spesie is egter baie gevoelig vir oorbeweiding en hierdie streek sal moontlik nooit meer regtig herstel nie.[6]
Landbou[wysig | wysig bron]
Die spesie is uitstekend vir beweiding geskik:
| EIW | SWIW | LnregWIW | |
|---|---|---|---|
| Weidingsindekswaarde[7] | 10 | 10 | 7.59 |
Verwysings[wysig | wysig bron]
- ↑ Laws of the veld Dr P.W. Roux.
- ↑ ander name is Bill se koksvoet, kropaargras, onslandsekoksvoet, rabiesekoksvoet, vreemdegras
- ↑ "SANBI-rooilys" (in Engels). Geargiveer vanaf die oorspronklike op 20 September 2015.
- ↑ 4,0 4,1 FAO, D. B. Hoare.
- ↑ https://powo.science.kew.org/taxon/urn:lsid:ipni.org:names:424110-1
- ↑ 'n Kritiese evaluering na die effektiewiteit van bestuurstrategieë vir ekstensiewe wolskaapboerdey in die groter burgersdorp omgewing Johanna Magdalena Coetzee proefskrif Port Elizabeth Technikon 2002 bls 204.
- ↑ P C V du Toit Objektiewe weidingsindekswaardes van Nama-Karoo plantegroei: grasse en bossies van die Karoo.