Struikrowery

Struikrowery is ’n soort diefstal wat veral in die 16de en 17de eeu voorgekom en reis gevaarlik gemaak het. ’n Struikrower sou tussen struike langs die pad wegkruip, dikwels snags of in groepe, en dan skielik te voorskyn kom wanneer ’n koets verbyry. Hulle sou die mense beroof en soms vermoor, en dan weer in die bosse verdwyn. Struikrowers het gewoonlik in bendes saamgewoon en ’n bestaan uit rowery gemaak.^[1]

Swak administrasie en geskikte terrein het die ontwikkeling van struikrowery aangemoedig.^[2] Geskiedkundige gevalle van struikrowery het voorgekom in gebiede van Frankryk, Griekeland en die Balkan, Indië, Italië, Mexiko, Sisilië en Spanje. Ook in dele van die VSA was daar in die vroeë jare talle gevalle van ’n sekere soort struikrowery wat op die paaie na die Wilde Weste plaasgevind het. Dié rowers is highwaymen genoem.^[3]

Soms is struikrowers in romantiek gehul, soos die geval is met Robin Hood, wat van die rykes gesteel het om aan die armes te gee.

Verwysings[wysig | wysig bron]

↑ Oxford English Dictionary, 1989. "Brigand.2"
↑ Hannay, David (1911). "Brigandage". In Chisholm, Hugh (red.). Encyclopædia Britannica. 4 (11de uitg.). Cambridge University Press. bll. 563–566.
↑ Fennor, William. "The Counter's Commonwealth," in The Elizabethan Underworld, bl. 446.

Skakels[wysig | wysig bron]

Wikimedia Commons het meer media in die kategorie Seerowers.

Hierdie artikel is in sy geheel of gedeeltelik uit die Engelse Wikipedia vertaal.

[1] Oxford English Dictionary, 1989. "Brigand.2"

[2] Hannay, David (1911). "Brigandage". In Chisholm, Hugh (red.). Encyclopædia Britannica. 4 (11de uitg.). Cambridge University Press. bll. 563–566.

[3] Fennor, William. "The Counter's Commonwealth," in The Elizabethan Underworld, bl. 446.

[1]

[2]

[3]