Suid-Afrikaanse Klas 5M2

Suid-Afrikaanse Klas 5M2
	; Metrorail Wes-Kaap Klas 5M2A treinstel op die suiderlyn tot Vishoek.
Tipe en oorsprong
Kragtipe	Elektries
Aantal gebou	4 447 waens (5M2A)
Bouspesifikasies
Spoorbreedte	Kaapspoor
Formasie	4–14 waens per treinstel
Laaikapasiteit	Motorwa: 110 staande, 56 sittend;; Sleepwa: 149 staande, 52 sittend
Elektriese stelsel	3000 V GS oorhoofs
Kragverkryging	Pantograaf
Werkverrigting
Maksimumspoed	100 km/h (62 mpu)
Kraglewering	925 kW (1 240 pk) per motorwa
Diensgeskiedenis
Gebruiker	Metrorail

Die Suid-Afrikaanse Klas 5M2 en Klas 5M2A is elektriese veelvuldige (lokomotief)eenhede wat deur Metrorail gebruik word om pendelspoordienste in die groot stede van Suid-Afrika te verskaf. Die oorspronklike Klas 5M2-treinstelle is tussen 1958 en 1960 deur Metro-Cammell vir die Suid-Afrikaanse Spoorweë gebou. ^[1] Die meeste van dié wat vandag gebruik word, is egter van Klas 5M2A, gebou volgens dieselfde ontwerp deur Union Carriage & Wagon (UCW) van 1962 tot 1985; altesaam 4 447 waens is deur UCW gebou.

Alhoewel die meeste van Metrorail se dienste steeds deur 5M2A's bedryf word, word hulle geleidelik herbou tot die nuwe Klas 10M3, 10M4 en 10M5. Klas 5M2A-waens word tot by die onderraam gestroop, wat dan as basis vir die Klas 10M's gebruik word. ^[2]

Spesifikasies[wysig | wysig bron]

Die Klas 5M2's werk op die 3 vt 6 dm (1 067 mm) spoorbaan wat standaard is regdeur Suider-Afrika. Die motorwaens trek 3 000 volt gelykstroom van 'n oorhoofse pantograaf; hulle het 'n kraglewering van 925 kW (1 240 pk) en produseer 158 kN se trekkrag. Die maksimum spoed van 'n 5M2 treinstel is 100 kilometer per uur. 'n Motorwa kan 56 sittende en 110 staande passasiers vervoer, en het 'n tarragewig van 60 ton. 'n Sleepwa kan 52 sittende en 149 staande passasiers vervoer, en het 'n tarragewig van 30,5 ton.