Suid-Atlantiese Wedvaart

in Wikipedia, die vrye ensiklopedie
Jump to navigation Jump to search
Suid-Atlantiese Wedvaart
INSV Mhadei in the Cape to Rio ocean sailing race in 2011.jpg
seiljagwedvaart
Datum van stigting of ontstaan1971Wysig
LandSuid-AfrikaWysig

Die Suid-Atlantiese Wedvaart (voorheen die Kaap-na-Rio) is 'n seiljagwedvaart van Kaapstad na verskeie bestemmings in Suid-Amerika. Dit is gewoonlik na Rio de Janeiro, Brasilië, maar Punta del Este, Uruguay, en Salvador, Brasilië, is al gekies.

Geskiedenis[wysig | wysig bron]

Na aanleiding van die sukses van Bruce Dalling en die seiljag Voortrekker in 1968 se Transatlantiese Enkelwedvaart,[1] het admiraal Hugo Biermann, destydse voorsitter van die Springbok-oseaanwedvaarttrust, voorgestel dat Suid-Afrika sy eie oseaanwedvaart aanbied.[2]

Die Suid-Afrikaanse Oseaanwedvaarttrust het die Clube do Rio de Janeiro gekies, wat bereid was om saam te werk in die organisering van die wedvaart, en die wedvaart sou bekend staan as die Kaap-na-Rio. Die eerste ren is vir 1971 gereël, en die organiseerders het hoogstens 15 inskrywings verwag. Die wedvaart het egter baie belangstelling gelok en 58 seiljagte het ingeskryf.

Ocean Spirit het die wedvaart op 8 Februarie gewen met 23 dae en 42 minute. Die Albatros II[3] het, onder beheer van John Goodwin[4], op voorgee gewen.

Die 11de wedvaart is in 2006 na Salvador gehou en die 2009-wedvaart na Bahia.

Die 12de ren was terug na die oorspronklike bestemming, Kaap na Rio, en is op voorgee deur Gerry Hegie gewen op die seiljag City of Cape Town met 17 dae en 12 minute.

Die Zephyrus IV hou die rekord vir die wedvaart na Salvador, met 12 dae, 16 uur, 49 minute en 41 sekondes.[5]

Die VOR70 Maserati van Giovanni Soldini het 'n nuwe rekord vir die wedvaart se oorspronklike koers (Kaap na Rio) opgestel in die 2014-wedvaart met 10 dae, 11 uur, 29 minute en 57 sekondes.[6]

Die wedvaart[wysig | wysig bron]

Die wedvaart is die langste seiljagwedvaart van kontinent na kontinent in die Suidelike Halfrond.

Die totale lengte van die wedvaart is omtrent 5 800 km oor die Atlantiese Oseaan. Nadat hulle Kaapstad verlaat het, gaan deelnemers noordwes na die eiland Ilha Trindade en van daar suidwes na Suid-Amerika. Soos hulle die kus benader, moet skippers besluit of hulle die langer roete met sterker winde moet gebruik of 'n meer direkte roete met 'n kans van ligter winde.

Pryse word toegeken aan die eerste deelnemer oor die lyn, nuwe rekords wat opgestel word, sowel as die eerste drie oor die lyn in drie voorgeeklasse.

Verwysings[wysig | wysig bron]

Eksterne skakels[wysig | wysig bron]