Suid-Chinese See

in Wikipedia, die vrye ensiklopedie
(Aangestuur vanaf Suid-Sjinese See)
Jump to navigation Jump to search
Suid-Chinese See
Mar de China Meridional - BM WMS 2004.jpg
Nasa-Satellietbeeld van die Suid-Chinese See
Schina sea 88.png
Kaart van die Suid-Chinese See
Koördinate:12°N 113°O / 12°N 113°O / 12; 113Koördinate: 12°N 113°O / 12°N 113°O / 12; 113
Ligging:Broenei, Filippyne, Indonesië, Kambodja, Maleisië, Singapoer, Thailand, Volksrepubliek China, Republiek China, Viëtnam
Soort:See van die Stille Oseaan
Oppervlakte:3 685 000 km² (1 423 000 myl²)
Gemiddelde diepte:1 212 m (3 976 vt)
Maksimum diepte:5 016 m (16 457 vt)
Invloei:Mekong, Pêrelrivier
Eiland/e:Borneo, Hainan, Luzon, Taiwan
Nedersettings:Da Nang, Guangzhou, Haikou, Ho Chi Minh-stad, Hongkong, Kaohsiung, Macau, Taichung, Tainan, Xiamen
Ligging van die Suid-Chinese See
Kaart van geëiste gebiede in die Suid-Chinese See

Die Suid-Chinese See (Chinees: 南海, pinyin: Nán Hǎi, letterlik: "Suidelike See"; Viëtnamees: Biển Đông, letterlik: "Oostelike See"; Thai: ทะเลจีนใต้; Maleis: Laut Cina Selatan; Indonesies: Laut Cina Selatan / Laut Tiongkok Selatan; Tagalog: Dagat Timog Tsina) is 'n see van die Stille Oseaan in Asië tussen Broenei, Indonesië, Maleisië en Singapoer in die suide, Thailand, Kambodja en Viëtnam in die weste, die Volksrepubliek China in die noordweste, die Republiek China op Taiwan in die noorde asook die Filippyne in die ooste. Die Suid-Chinese See grens aan die Filippynse See in die ooste en die Sulusee in die suidooste. Die Suid-Chinese See word in die suidweste deur die Straat van Malakka met die Andamanse See, in die suide deur die Karimata-straat met die Javasee en in die noordooste deur die Straat van Taiwan met die Oos-Chinese See verbind. Die see het 'n oppervlakte van sowat 3 685 000 km² en 'n gemiddelde diepte van 1 212 m.[1]

Die westelike deel van die see, geleë in Thailand, word die Golf van Thailand genoem en die deel tussen China en Viëtnam word die Golf van Tonkin genoem.

Groot stede aan die see is Da Nang, Guangzhou, Haikou, Ho Chi Minh-stad, Hongkong, Kaohsiung, Macau, Taichung, Tainan en Xiamen en die belangrikste riviere wat in die see uitmond is die Mekong in die weste en die Pêrelrivier (tussen Hongkong en Macau) in die noorde.

Die Suid-Chinese See is onderworpe aan gebiedsgeskille tussen die Volksrepubliek China, die Filippyne, Maleisië en Viëtnam wat in besonder betrekking het op ryk ondersese ruoliebronne, soos by die Paracel- en Spratly-eilande.

Verwysings[wysig | wysig bron]

  1. (en) "South China Sea". Encyclopædia Britannica. Besoek op 6 Augustus 2017. 

Eksterne skakels[wysig | wysig bron]