Sutton Hoo

in Wikipedia, die vrye ensiklopedie
Spring na: navigasie, soek
Die gerekonstrueerde helm van 'n 7de eeuse Angel-Saksiese heerser

Sutton Hoo is 'n beduidende argeologiese opgrawingsplek naby Woodbridge in die Engelse graafskap Suffolk.

Die gerekonstrueerde grafkamer van die Angel-Saksiese skeepsgraf

In 1939 het die plaaslike argeoloog Basil Brown hier langs die oewer van die Deben-rivier Angel-Saksiese twee begraafplase uit die 6de en vroeë 7de eeu ontdek waarvan een die skeepsgraf van 'n heerser (warlord) bevat het wat blykbaar nie deur grafrowers verstoor is nie. Die graf was gevul met 'n verskeidenheid unieke Angel-Saksiese kunsskatte van besondere kunshistoriese en argeologiese belang, met Ierse, Skandinawiese, Merowingiese en Oos-Mediterreense invloede, wat tans in die Britse Museum te Londen vertoon word.

Sutton Hoo is tans in besit van die National Trust. Die terrein, waar sommige van die oorspronklike grafheuwels herstel is, staan oop vir die publiek en word deur twee rondpaaie vir besoekers ontsluit. Naby die ingang is 'n museum opgerig waar 'n model van die koningsgraf vertoon word, net soos namaaksels van die argeologiese vondste van 1939, insluitende die befaamde goudhelm.

Commons
Wikimedia Commons het meer media verwant aan:
Sutton Hoo (bladsy)