Suurlemoenskyfnewel
| Suurlemoenskyfnewel | ||||
| ||||
| 'n Foto van IC 3568 gebaseer op data van die Hubble-ruimteteleskoop. | ||||
| Soort newel | Planetêre newel | |||
| Sterrebeeld | Kameelperd | |||
| Waarnemingsdata (Epog J2000) | ||||
| Regte klimming | 12h 33m 06s | |||
| Deklinasie | +82° 34′ 00″ | |||
| Magnitude | 12,3 | |||
| Ander name | ||||
| IC 3568, Perek-Kohoutek 123+34.1 (PK 123+34.1),[1] HD 109540 (sentrale ster)[2] | ||||
| ||||
IC 3568 is 'n planetêre newel wat sowat 4 500 ligjare van die Son af in die sterrebeeld Kameelperd (Camelopardalis) geleë is (net sowat 7,5 grade van Polaris af). Dit is 'n relatief jong newel en het 'n deursnee van net sowat 0,4 ligjare. Dit is die Suurlemoenskyfnewel gedoop vanweë sy voorkoms in 'n valskleurbeeld van die Hubble-ruimteteleskoop.[3][4]
Die Suurlemoenskyfnewel is een van die eenvoudigste newels bekend: Dit het 'n feitlik perfekte sirkelvorm. Die kern van die newel het nie 'n besonder visuele struktuur nie en bestaan hoofsaaklik uit geïoniseerde helium.[5] 'n Dowwe halo van interstellêre stof omhul die newel. Die sentrale ster is 'n O-tipe ster van spektraaltipe O(H)3.[6]
IC 3568 is op 31 Augustus 1900[7] deur die Amerikaanse sterrekundige Robert Grant Aitken ontdek deur die Lick-sterrewag se Clarkrefrakror van 12". Terwyl hy die komeet Borrelly-Brooks bestudeer het, het hy gesien die ster BD +83° 357 in die Kameelperd word deur 'n klein ronde newel omring. Dit is die volgende nag met die sterrewag se refraktor van 36" bevestig.
Verwysings
[wysig | wysig bron]- ↑ The Deep Sky Field Guide to Uranometria 2000.0, Chart 9 (Murray Cragin, James Lucyk, Barry Rappaport), Willmann-Bell, 1993
- ↑ Sky Catalogue 2000.0, Volume 2: Double Stars, Variable Stars and Nonstellar Objects (reds. Alan Hirshfeld en Roger W. Sinnott, 1985), bl. 308
- ↑ IC 3568
- ↑ Portal to the Universe.org
- ↑ "starrycritters.com". Geargiveer vanaf die oorspronklike op 2 April 2015. Besoek op 29 Julie 2013.
- ↑ González-Santamaría, I.; Manteiga, M.; Manchado, A.; Ulla, A.; Dafonte, C.; López Varela, P. (2021). "Planetary nebulae in Gaia EDR3: Central star identification, properties, and binarity". Astronomy & Astrophysics. 656: A51. arXiv:2109.12114. Bibcode:2021A&A...656A..51G. doi:10.1051/0004-6361/202141916. S2CID 237940344.
- ↑ Courtney Seligman: Closeup on IC 3568, the Lemon Slice Nebula
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
