Suzuki Alto

in Wikipedia, die vrye ensiklopedie
Jump to navigation Jump to search
Suzuki Alto
7th generation Suzuki Alto 02.jpg
Oorsig
Produksie 1979–huidig
Montering Vlag van Japan Japan
Bakwerk en onderstel
Bakstyl 5-deurluikrug
Uitleg Voorenjin, voorwieldryf
Spesifikasies
Enjin 658 cc Suzuki R06A I3
Ratkas 5-ganghandrat
CVT outomaties
Lengte 3395 mm
Breedte 1475 mm
Hoogte 1475–1500 mm
Massa 610 kg
Asafstand 2460 mm

Die Suzuki Alto (スズキ·アルト) is 'n minimotor wat deur Suzuki gebou word. Sy goeie verkoopspunte is 'n bekostigbare prys en lae brandstofverbruik. Die model, wat tans in sy agtste geslag is, is die eerste keer in 1979 vrygestel en word in baie lande wêreldwyd gebou. Die Alto-embleem word dikwels op verskillende motors in Japan en in uitvoermarkte gebruik, waar dit as 'n stadsmotortjie beskou word.

Die agtste geslag Alto is in Desember 2014 in Japan bekendgestel met 'n meer retro-stilering.[1] Die nuwe Alto is ontwerp vir 'n baie lae brandstofverbruik, en is 60 kg ligter as die vorige model.[1] Dit is bereik met "Suzuki groentegnologie" vir die bakwerk en enjin, en het gelei tot die motor met 'n verklaarde brandstofverbruik van 37 km/L.[2] Die nuwe Alto is beskikbaar met 'n natuurlikgeaspireerde 658 cc inlyndriesilinderenjin, of 'n turbo-aangejaagde weergawe van dieselfde kragbron.[2] Dit is beskikbaar met 'n 5-ganghandratkas of 'n CVT outomatiese ratkas.[2] 'n Turbo RS variant word verwag om in produksie te tree teen Maart 2015.

Nissan Pixo[wysig | wysig bron]

Die Nissan Pixo is die "sustermotor" van die Suzuki Alto met 'n paar noemenswaardige verskille, soos die sierrooster en kopligte.[3] Dit is by die 2008 Paryse Motorskou bekendgestel en is sedert 2009 in Europa beskikbaar.[4] Omrede dit ontwikkel is en goedkoop gebou word in Indië, kan 'n nuwe Pixo vir net onder £7000 gekoop word.[5] Teen die somer van 2013 is die Pixo onttrek uit Britse vertoonlokale.

Nissan Pixo (Europa)

Voor
Agter

Verwysings[wysig | wysig bron]

  1. 1,0 1,1 "Suzuki launches the all-new Alto minicar in Japan". Global Suzuki. 22 Desember 2014. Besoek op 23 Desember 2014.
  2. 2,0 2,1 2,2 K, Nithyanandh (13 December 2014). "Official images of 2015 Suzuki Alto kei car released – Japan". IndianAutosBlog. Besoek op 23 December 2014.
  3. "New Nissan Pixo Car Review". Parkers. Besoek op 17 September 2011.
  4. "Nissan at the 2008 Paris International Motor Show". Nissan. 12 September 2008.
  5. "New Nissan Pixo Car Review – Facts & Figures". Parkers. Besoek op 17 September 2011.
Hierdie artikel is in sy geheel of gedeeltelik vanuit die Engelse Wikipedia vertaal.