Swakopmund Museum

Binnekant van die museum.

Die Swakopmund Museum (selde ook Museum Swakopmund) is die plaaslike geskiedenis- en natuurhistoriese museum van Swakopmund in Namibië. Die museum word deur die Wetenskaplike Vereniging Swakopmund bestuur. Die museum is die grootste museum van sy soort in die land.

Die museum het as tema die aangrensende see en die woestyn.

Versameling

Veral die fauna en flora van die Namibwoestyn word bestudeer, maar ook die geologie en die mynwese. Visse, die visbedryf, seevoëls en robbe verteenwoordig die see. Ook word aandag gewy aan die folklore en die kultuur-historiese belang van die inheemse volkere, veral van die Boesmans, Herero en die Ovambo's. Verder is daar uitstallings oor die eerste bewoners, die Portugese ontdekkingsreisigers, die Duitse koloniale era en die ontwikkeling van kommunikasie (veral die poswese en die spoorweë) in die gebied.

Geskiedenis

Uniek is die feit dat die museum die privaat eiendom is van ‘n organisasie op die dorp. Dit is op 17 Desember 1951 op inisiatief van ‘n tandarts, dr. Alfons M. Weber, ook die eerste kurator, in sy eie gebou geopen. Op 5 Maart 1960 is dit verskuif na ‘n nuwe gebou op die terrein van die voormalige doeane-kantoor in die Duitse regeerperiode.

Bronnelys

• Fransen, Hans (samesteller): Guide to the museums of Southern Africa. Kaapstad: Suider-Afrikaanse Museumvereniging, 1978.

Eksterne skakels

• museums.com.na/museums/coast/swakopmund-museum