Swartnooi

Swartnooi
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Actinopterygii
Orde:	Perciformes
Familie:	Lutjanidae
Genus:	Macolor
Spesie:	M. niger
Binomiale naam
Macolor niger (Forsskål, 1775)
Sinonieme
Diacope macolor (Lesson, 1827)

Die Swartnooi (Macolor niger) is 'n vis wat voorkom in die Indiese-Pasifiese area en aan die ooskus van Afrika vanaf die Rooisee tot by Sodwanabaai. In Engels staan die vis bekend as die Black and white snapper.

Voorkoms

Die volwasse vis is grys tot swart en daar is verspreide blou strepe op die kop van pas gevangde visse. Die onvolwasse vis is hoofsaaklik wit met die vinne en aangrensende gedeeltes van die lyf wat swart is. Die kop is wit met 'n vertikale swart streep oor die oë. Die punt van die snoet is ook swart. Ouer onvolwasse visse word swart aan die bokant. Die vis word tot 75 cm lank.

Habitat

Die vis leef in koraal- en rotsriwwe in water wat 5–90 m diep is alhoewel hulle gewoonlik in water van minder as 30 m voorkom. Hulle vreet ander visse, skaaldiere en soöplankton en leef in skole saam. Dit is 'n gewilde eetvis.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Macolor-niger.html