Swartrivier (Kaapstad)

Swartrivier
'n Stroomop- of suidwaartse uitsig oor die Swartrivier, met Observatory op regterhand 'n Stroomop- of suidwaartse uitsig oor die Swartrivier, met Observatory op regterhand
Stroomgebied	Wes-Kaap, Suid-Afrika
Oorsprong	Stellenberg-landgoed in Kenilworth en die Arderne-tuin in Claremont
Monding	Tafelbaai by Kaapstad
Oorsprong-hoogte	17 m
Monding-hoogte	2 m
Swartrivier
Koördinate: 33°55′59.99″S 18°28′0.01″O

Die Swartrivier vloei deur die suidelike voorstede van Kaapstad en mond via die Soutrivier uit in Tafelbaai.

Die rivier het twee bronne, naamlik die Stellenberg-landgoed in Kenilworth en die Arderne-tuin in Claremont. Daarna vloei dit agtereenvolgens deur die Brookside-veld van die Villagers-sportklub in Claremont, Keurboompark in Rondebosch en die terrein van die Rondebosch Hoër Seunskool. By die padwisselaars op die Kromboomsnelweg sluit die Kromboomrivier vanuit Kenilworth en Wynberg by die Swartrivier aan.

Op die Rondebosch-gholfbaan sluit die Elsieskraalrivier vanuit die noordooste ook by die Swartrivier aan en vloei die vergrote rivier verder noord verby die die Valkenberg Hospitaal en die sterrewag. Net daarna sluit ook die Liesbeek vanuit die suidweste aan. Stroomafwaarts staan die rivier van hier af bekend as die Soutrivier en stroom kort daarna Tafelbaai binne. Tans is die grootste deel van die rivier met beton gekanaliseer.

Die Black River Parkway, die noordelike deel van die M5, ontleen sy naam aan die rivier. In die dae van die VOC was die rivier 'n tyd lank die landsgrens.

Bibliografie

• Burman, Jose: Safe to the sea. Kaapstad: Human & Rousseau, 1962.