Swissquote

Swissquote
Tipe	Aandelemaatskappy
Gestig	1999
Hoofkantoor	Gland, Switserland
Sleutelpersone	Marc Bürki (hoof uitvoerende beampte) Paolo Buzzi (tegniese direkteur) Michael Ploog (finansiële hoof)
Gebied bedien	Wêreldwyd
Industrie	Finansiële dienste
Werknemers	545 (Augustus 2015)
Webwerf	de.swissquote.com

Die Swissquote Group Holding S. A. is 'n Switserse finansiële dienste-maatskappy wat in bankdienste en aanlyn-handel spesialiseer. Sy hoofsetel is in die dorp Gland, net buitekant die stad Genève. Die onderneming-groep het net meer as 500 werknemers en meer as 300 000 kliënte. Tans gebruik meer as 400 bate-bestuurders en meerdere banke wêreldwyd die beleggings-platform en bankrekeninge van Swissquote vir hulle kliënte. Kliënte-bates van oor die 18 miljard Switserse frank (halfjaar-verslag 2016) word tans in die bankrekeninge van Swissquote belê. As suiwer Aanlyn-Bank is Swissquote Bank die markleier in Switserland.

Besigheidsveld

Die dienste wat aangebied word, sluit hoofsaaklik die elektroniese verhandeling van aandele, beleggingsfondse, indeksfondse, opsies en effekte in. Naas die verhandelings-funksies bied Swissquote ook bankrekeninge en beleggings-funksionaliteite vir individue, batebestuurders en korporatiewe kliënte. Op sy webblad stel die maatskappy aanlyn 'n verskeidenheid grafieke en mark-analise-gereedskap aan die publiek beskikbaar. Volgens die maatskappy se eie verklarings is die webblad/finansiële portaal van die maatskappy die mees gebruikte finansiële aanlyn-platform in Switserland.

Geskiedenis

Die maatskappy het sy oorsprong in die finansiële aanlyn-diens wat Marvel Communications S. A. in 1997 van stapel gestuur het. Oor hierdie aanlyn-diens is finansiële nuus, navorsingsverslae en pryse van gelyste aandele versprei ("Quotes").

Marvel Communications S. A. is in 1990 deur Marc Bürki en Paolo Buzzi gestig met die fokus om finansiële inligting-sagteware te ontwikkel. Sewe jaar later is op die webblad "swissquote.ch" vir die eerste keer die pryse van alle effekte wat op die SWX Swiss Exchange verhandel is, gratis en "eg-tyd" aan die publiek beskikbaar gestel.

Deur die loop van die jaar 1999 word Swissquote Trade S. A. en Swissquote Info S. A. gestig, wat die operasionele aktiwiteite in verband met die swissquote.ch-projek oorneem. Die ontwikkeling van geïntegreerde Web-oplossings vir internet-kommunikasie en e-Besigheid het deel van Marvel Communications se operasionele besigheid gebly. In 1999 is die Swissquote Group Holding S. A. gestig, die houer-maatskappy van die ondernemings-groep. In Mei 2000 word die ondernemings-groep op die Switserse aandelebeurs SWX Swiss Exchange gelys en word die aandele sedertdien aktief in Switserland verhandel.

In Oktober 2000 het Swissquote Bank wat toe nog in die registrasieproses was, die bank-lisensie van die Eidgenössische Bankenkommission (Switserse Federale Bank Kommissie) ontvang. In November 2000 is Swissquote in die Switserse Handelsregister geregistreer en in Mei 2001 het die bank sy bedrywighede begin.

Die ondernemings-groep vereenvoudig sy besigheid-struktuur in 2002 en verkoop Marvel Communications S. A. aan sy bestuur. Die Swissquote Info S. A. word in Junie 2004 ontbind. Sedertdien bestaan die ondernemings-groep uit die Swissquote Group Holding S. A. en sy twee filiale Swissquote Bank en Swissquote Trade S. A.

Verkryging van MIG Bank

Swissquote Bank koop op 25 September 2013 100 persent van die MIG Bank. Deur die Verkryging van hierdie groot valuta-makelaar word Swissquote Bank een van die grootste verskaffers van valuta-dienste by die verhandeling van valuta. Die MIG Bank is met Swissquote Bank saamgesmelt.

Eksterne skakels

• Amptelike webwerf
• 3de Kwartaal van 2012 (PDF; 903 kB)
• Pers verslag (PDF; 37 kB)