T20I-vrouewêreldbeker

T20I-vrouewêreldbeker
T20I-vrouewêreldbeker 2026
Kenteken van die T20I-vrouewêreldbeker
Sportsoort	T20I-krieket
Gestig	2009
Eienaar	Internasionale Krieketraad
Inwydingseisoen	T20I-vrouewêreldbeker 2009
Deelnemende lande	wêreldwyd
Aantal spanne	12
Mees onlangse kampioen	Nieu-Seeland (2024)
Verwante kompetisies	T20I-wêreldbeker, Vrouekrieketwêreldbeker, Vrouekampioenetrofee, Vrouekrieketwêreldbeker, o/19-vrouekrieketwêreldbeker, Vrouekampioenskap

Die T20I-vrouewêreldbeker (Engels: Women’s T20 World Cup) is ’n internasionale krieketkompetisie wat al om die twee jaar gehou word om die T20I-vrouekrieketwêreldkampioen te bepaal. Dié toernooi is die tweede belangrikste en tweede bekendste in internasionale vrouekrieket net ná die Vrouekrieketwêreldbeker in EDIs en word deur die Internasionale Krieketraad georganiseer.

Nieu-Seeland teen Sri Lanka tydens die T20I-vrouewêreldbeker 2020

Tot op hede is agt toernooie beslis en slegs Australië, Engeland, Nieu-Seeland en Wes-Indië kon dié toernooi wen. Die eerste T20I-vrouewêreldbeker 2009 in Engeland is gewen deur die gasvroue, nadat hulle Nieu-Seeland in die eindstryd op Lord’s in Londen verslaan het. Die T20I-vrouewêreldbeker 2010 in die lande van Wes-Indië is gewen deur Australië wat ook Nieu-Seeland in die eindstryd op die Kensington-ovaal in Bridgetown, Barbados, geklop het. Die T20I-vrouewêreldbeker 2012 was die eerste in Asië met al die wedstryde wat in Sri Lanka aangebied is. Australië het sy titel suksesvol verdedig, nadat hulle Engeland in die eindstryd op R. Premadasa-stadion in Colombo verslaan het. Die T20I-vrouewêreldbeker 2014 in Bangladesj se eindstryd op die Sher-e-Bangla Nasionale Krieketstadion in Dhaka was ’n herhaling van die vorige eindstryd met Australië wat die eerste span geword het om sy derde titel in te palm. Die T20I-vrouewêreldbeker 2016 in Indië is gewen deur Wes-Indië, nadat hulle die verdedigende kampioen Australië op Eden Gardens in Kolkata verslaan het. Die T20I-vrouewêreldbeker 2018 was die tweede toernooi in Wes-Indië en vir die derde keer het Australië en Engeland mekaar in die eindstryd ontmoet, waartydens die Australiërs met hul vierde titel weggestap het. Tydens die T20I-vrouewêreldbeker 2020 in Australië het die gasvroue Indië op die Melbourne-krieketveld in Melbourne geklop en sodoende sy vyfde T20I-titel ingepalm. Tydens die T20I-vrouewêreldbeker 2023 het die verdedigende kampioen Australië op Nuweland in Kaapstad die gasvroue Suid-Afrika verslaan. Nieu-Seeland is die huidige T20I-kampioen, nadat hulle die T20I-vrouewêreldbeker 2024-eindstryd op die Doebai Internasionale Krieketstadion in Doebai Suid-Afrika geklop het.

In die nege kampioenskappe wat reeds aangebied is, het vier lande die titel ingepalm. Australië het ’n rekord van ses titels gewen, gevolg deur Engeland, Nieu-Seeland en Wes-Indië met een titel elk. Daarbenewens het Indië, Pakistan, Sri Lanka en Suid-Afrika aan al die T20I-vrouewêreldbekertoernooie deelgeneem, maar hulle kon dit tot op hede nie wen nie, hoewel Indië reeds in die 2020- en Suid-Afrika in die 2023- en 2024-eindstryde verskyn het. Daarmee is elke vasteland deur minstens een nasionale span in ’n eindstryd verteenwoordig en elke vasteland het ook minstens een T20I-vrouewêreldbekertoernooi gehuisves.

Uitslae

Jaar	Gasheerland(e)	Eindstrydplek	Eindstryd
			Wenner	Uitslag	Naaswenner		Deelnemende lande
2009 Oorsig	Engeland	Lord’s, Londen, Verenigde Koninkryk	Engeland 86/4 (17 boulbeurte)	Engeland wen met ses paaltjies Telkaart	Nieu-Seeland 85 almal uit (20 boulbeurte)		8
2010 Oorsig	Wes-Indië	Kensington-ovaal, Bridgetown, Barbados	Australië 106/8 (20 boulbeurte)	Australië wen met drie lopies Telkaart	Nieu-Seeland 103/6 (20 boulbeurte)		8
2012 Oorsig	Sri Lanka	R. Premadasa-stadion, Colombo, Sri Lanka	Australië 142/4 (20 boulbeurte)	Australië wen met vier lopies Telkaart	Engeland 138/9 (20 boulbeurte)		8
2014 Oorsig	Bangladesj	Sher-e-Bangla Nasionale Krieketstadion, Dhaka, Bangladesj	Australië 106/4 (15 boulbeurte)	Australië wen met ses paaltjies Telkaart	Engeland 105/8 (20 boulbeurte)		10
2016 Oorsig	Indië	Eden Gardens, Kolkata, Indië	Wes-Indië 149/2 (19 boulbeurte)	Wes-Indië wen met agt paaltjies Telkaart	Australië 148/5 (20 boulbeurte)		10
2018 Oorsig	Wes-Indië	Sir Vivian Richards-stadion, North Sound, Antigua en Barbuda	Australië 106/2 (15.1 boulbeurte)	Australië wen met agt paaltjies Telkaart	Engeland 105 (19.4 boulbeurte)		10
2020 Oorsig	Australië	Melbourne-krieketveld, Melbourne, Australië	Australië 184/4 (20 boulbeurte)	Australië wen met 85 lopies Telkaart	Indië 99 (19.1 boulbeurte)		10
2023 Oorsig	Suid-Afrika	Nuweland-krieketveld, Kaapstad, Suid-Afrika	Australië 156/6 (20 boulbeurte)	Australië wen met 19 lopies Telkaart	Suid-Afrika 137/6 (20 boulbeurte)		10
2024 Oorsig	Verenigde Arabiese Emirate	Doebai Internasionale Krieketstadion, Doebai, Verenigde Arabiese Emirate	Nieu-Seeland 158/5 (20 boulbeurte)	Nieu-Seeland wen met 32 lopies Telkaart	Suid-Afrika 126/9 (20 boulbeurte)		10
2026 Oorsig	Engeland  Wallis						12
2028 Oorsig	Pakistan						12

Statistiek

Eerste rondte (ER), Gekwalifiseer (G)

Kwarteindrondte (KE), Super 6 (S6), Super 8 (S8) of Super 10 (S10)

Halfeindrondte (HE)

Naaswenner (2)

Wenner (1)

Span	T20I 2009	T20I 2010	T20I 2012	T20I 2014	T20I 2016	T20I 2018	T20I 2020	T20I 2023	T20I 2024	T20I 2026	T20I 2028	Deelnames
Australië	HE	1	1	1	2	1	1	1	HE	G		9
Bangladesj				ER	ER	ER	ER	ER	ER			6
Engeland	1	ER	2	2	HE	2	HE	HE	ER	G		9
Ierland				ER	ER	ER		ER				3
Indië	HE	HE	ER	ER	ER	HE	2	HE	ER	G		9
Nieu-Seeland	2	2	HE	ER	HE	ER	ER	ER	1	G		9
Pakistan	ER	ER	ER	ER	ER	ER	ER	ER	ER	G		9
Skotland									ER			1
Sri Lanka	ER	ER	ER	ER	ER	ER	ER	ER	ER	G		9
Suid-Afrika	ER	ER	ER	HE	ER	ER	HE	2	2	G		9
Thailand							ER					1
Wes-Indië	ER	HE	HE	HE	1	HE	ER	ER	HE	G		9
Deelnemers	8	8	8	10	10	10	10	10	10	12	12

Eerste deelnames

Jaar	Spanne
2009	Australië, Engeland, Indië, Nieu-Seeland, Pakistan, Sri Lanka, Suid-Afrika en Wes-Indië
2010	geen
2012	geen
2014	Bangladesj en Ierland
2016	geen
2018	geen
2020	Thailand
2023	geen
2024	Skotland
2026	N.v.t.
2028	N.v.t.

Sien ook

• T20I-wêreldbeker, vir mansspelers
• o/19-vrouekrieketwêreldbeker, vir juniorspelers
• Vrouekampioenetrofee, vir EDI-krieket
• Vrouekampioenskap, vir EDI-krieket
• Vrouekrieketwêreldbeker, vir EDI-krieket

Eksterne skakels

• (en) Amptelike webwerf van die T20I-vrouewêreldbeker
• (en) Die IKR se amptelike webwerf