TSG Weinheim
 | |
| Volledige naam | Turn- und Sportgemeinde 1862 Weinheim e.V. |
| Stigtingsdatum | 20 Augustus 1862 |
| Tuisveld | Sepp Herberger-stadion, Weinheim |
| Kapasiteit | 9 000 |
| Kompetisie | Oberliga Baden-Württemberg |
TSG Weinheim is 'n sportklub uit Weinheim in die deelstaat Baden-Württemberg in Duitsland. Behalwe sokker, het die klub heelwat ander afdelings waarvan die bekendste die Amerikaanse voetbalafdeling, wat in die 1. Bundesliga meeding, asook die trompoppie-afdeling, wat al die Duitse kampioenskap gewen het.
Die klub is op 20 Augustus 1862 gestig as 'n gimnastiekklub genaamd Turnverein Weinheim. In 1878 het die klub in twee geskeur met die stigting van TV II Weinheim, wat in 1883 herdoop is na Turngenossenschaft Weinheim. In 1907 is die naam weer verander na Turngenossenschaft Jahn 1878 Weinheim. Na die Tweede Wêreldoorlog, op 29 Junie 1946, het die moederklub TV Weinheim weer verenig met TGS Jahn Weinheim en het DJK Schwarz-Weiß 1923 Weinheim ook by die verenigde klub aangesluit om TSG 1862 Weinheim, die huidige klub, te vorm.
In 1998 het die buurklub FV 09 Weinheim bankrot gespeel en het die sokkerafdeling ook by TSG Weinheim aangesluit. Die sokkerafdeling ding sedertdien mee onder die naam TSG Weinheim 62/09.
Wat sokker aanbetref, het FV 09 Weinheim ’n roemryker verlede gehad as TSG Weinheim. In 1933 het FV 09 Weinheim onsuksesvol deelgeneem aan die uitspeelrondtes om promosie na die Gauliga Baden op die hoogste vlak. FV 09 Weinheim het ook na 1962 verskeie geleenthede gehad om na die tweede vlak te promoveer deurdat die promosie-uitspeelwedstryde gehaal is vir die Regionalliga Suid en later die 2. Bundesliga.
FV 09 Weinheim het by vier geleenthede die hoofrondte van die DFB-Pokal gehaal en het sy grootste prestasie in die 1990/91-seisoen behaal toe daar verrassend in die eerste rondte met FC Bayern München afgereken is. Die klub is hierna in die tweede rondte deur SC Rooiwit Essen uitgeskakel.
Onlangse ligaposisionering[wysig | wysig bron]
|
|
Verwysings[wysig | wysig bron]
- Grüne, Hardy (2001). Vereinslexikon. Kassel: AGON Sportverlag ISBN 3-89784-147-9
Eksterne skakels[wysig | wysig bron]
| Oberliga Baden-Württemberg 2009/10-seisoen | |
|
Bahlinger SC|
TSG Balingen|
SV Bonlanden|
TSV Crailsheim|
FC Denzlingen|
ASV Durlach| | |