Takbokvaring

in Wikipedia, die vrye ensiklopedie
Spring na: navigasie, soek
Takbokvarings
Ook: Hertshoringvarings, Platycerium
Platycerium bifurcatum in die Australiese Nasionale Botaniese Tuin, Canberra.
Wetenskaplike klassifikasie
Koninkryk: Plantae
Divisie: Pteridophyta
Klas: Pteridopsida
Orde: Polypodiales
Familie: Polypodiaceae
Genus: Platycerium
Desv.
Spesies

Sien teks.

Takbokvarings is ’n groep van sowat 18 varings van die genus Platycerium in die familie Polypodiaceae. Hulle word so genoem vanweë die unieke vorm van hul blare.

Eienskappe[wysig | wysig bron]

Platycerium superbum.

Die varings is epifiete, of lugplante, en word natuurlik aangetref in die tropiese en gematigde streke van Suid-Amerika, Afrika, Suidoos-Asië, Australië en Nieu-Guinee.[1] Hulle kan tot ’n meter breed word.

Volgroeide Platycerium-sporofiete het rosetvormige wortels wat uit ’n kort risoom groei met twee soorte blare, bodemstandige en vrugbare blare. Eersgenoemde is stiriel en skild- of niervormig. Hulle lê plat teen die boomstam en beskerm die varing se wortels. In sommige spesies vorm die boonste blare ’n oop kom waarin die plant water en afval opvang.

Vrugbare blare dra spore aan die onderkant, is tweeledig of horingvormig en steek of hang uit die risoom.

Platycerium het in vier natuurlike groepe verdeel.

Spesies[wysig | wysig bron]

Net twee spesies kan as huisplante gebruik word: Platycerium bifurcatum, wat ideel is vir ’n hangmandjie, en Platycerium grande 'Queen Wilhelmina', wat ’n groot mantelblaar het en moeiliker is om te kweek.[2]

Ander spesies is:

  • Platycerium andinum
  • Platycerium alcicorne
  • Platycerium coronarium
  • Platycerium elephantotis
  • Platycerium ellisii
  • Platycerium hillii
  • Platycerium holttumii
  • Platycerium madagascariense
  • Platycerium quadridichotomum
  • Platycerium ridleyi
  • Platycerium stemaria
  • Platycerium superbum
  • Platycerium veitchii
  • Platycerium wallichii
  • Platycerium wandae
  • Platycerium wilhelminae-reginae
  • Platycerium willinkii

Probleme[wysig | wysig bron]

As die plant te droog of nat is, sal die blare verwelk of verrot en afval. Dopluise kan ook voorkom.

Verwysings[wysig | wysig bron]

  1. Hennipman, E. (1982). A monograph of the fern genus Platycerium (Polypodiaceae), Verhandelingen der Koninklijke Nederlandse Akademie van Wetenschappen, Afd. Natuurkunde. Tweede reeks. Amsterdam ; New York: North-Holland. ISBN 0-444-85569-6. 
  2. Longman, David. Gesonde Huisplante, Stap vir Stap Geïllustreer, J.L. van Schaik, Pretoria. 1992. ISBN 0 627 01827 0
  • Holtum, Joseph A.M. (1999-01-01). “Degrees of crassulacean acid metabolism in tropical epiphytic and lithophytic ferns”. Functional Plant Biology 26 (8): 749–757.

Eksterne skakels[wysig | wysig bron]