Taptoe

‘n Taptoe is ‘n militêre parade wat gepaardgaan met musiek en spoggerige vertoon.

So ‘n militêre konsert, fees en parade deur verskeie dele van die krygsmagte vind meesal in die aand en in die buitelug plaas. Militêre orkeste speel gewoonlik marsmusiek en dit gaan veral saam met die gebruik van beuels, tromme, trompette, baniere, vaandels, vlae en soldate wat pronk in hul mooi uniforms. Soms tree perde op en word sterk ligbundels in die lug opgestuur. In die laat 1980’s en vroeë 1990’s is in Durban jaarliks die Durbanse Taptoe gehou.

By ‘n militêre begrafnis word ter ere van die oorledene dikwels ‘n sekere melodie bekend as die laaste taptoe op ‘n beuel geblaas.

Die Afrikaanse woord taptoe kom uit die Nederlandse militêre geskiedenis. Op ‘n sekere uur moet die kraan, dus die tap, van die biervaatjie toegedraai word en die soldate na hul slaapsale terugkeer. In Engels is die Nederlandse woord oorgeneem, maar “tattoo” gespel. ‘n Tatoeëermerk is in Engels toevallig ook bekend as ‘n “tattoo”. Hierdie Engelse woord het sy wortels egter in die inheemse tale van Suid-Amerika.

Bronnelys

van Loggerenberg, Deon: Die Durbanse taptoe. In: Suid-Afrikaanse Panorama. Jaargang 37, nr. 2, Maart/April 1992. ISSN 0491-4783