Tarka

in Wikipedia, die vrye ensiklopedie
Jump to navigation Jump to search
'n Grondpad naby Tarkastad
Die Grootdoringhoekpas in die Tarka

Tarka is die historiese naam vir die gebied rondom Tarkastad in die Oos-Kaap.

Ligging[wysig | wysig bron]

Die streek het nie vaste grense nie. Dit is noord van die Winterberge, suid van die Bamboesberg, wes van die Swartkeirivier en in die verre suidweste is die Baviaansrivierberge. Die Tarkarivier, die Spring Valleyrivier, die Elandsrivier en die Baviaansrivier is die grootse strome in die gebied. In die Tarkarivier is die Lake Arthur-dam en die Kommandodrifdam.

Geskiedenis[wysig | wysig bron]

In 1798, dus teen die einde van die bewind van die VOC aan die Kaap, het groepies trekboere hierdie vrugbare streek oos van die Sneeuberge en die Groot-Visrivier bereik. Van die begin af het hierdie setlaars probleme met die Boesmans ondervind. Ook die Xhosas het die gebied binnegedring op soek na weiveld. Die area was die toneel van die Slagtersnek-rebellie en dit het in 1825 ‘n wyk van die subdistrik Cradock geword. Tot sy vertrek in 1836 het die Trekkerleier Andries Hendrik Potgieter hier op sy plaas Kommandodrif geboer. Tarka het meer Voortrekkers as enige ander streek opgelewer.

Trivia[wysig | wysig bron]

Die boek Geknelde Land deur F.A. Venter speel af in hierdie streek.

Sien ook[wysig | wysig bron]