Tenk

in Wikipedia, die vrye ensiklopedie
Spring na: navigasie, soek
Suid-Afrikaanse Olifant.
Duitse Leopard 2A5.

'n Tenk is 'n gepanserde militêre voertuig. In Duits word dit Panzer genoem en in Engels Tank. Die eerste sketse of planne van 'n tenk is deur Leonardo da Vinci geteken, en het soos 'n skilpaddop gelyk.

Geskiedenis[wysig | wysig bron]

Met die aanvang van die Eerste Wêreldoorlog het die tenk nog nie bestaan nie. Gedurende dié oorlog het die Britse regering uiteindelik 'n plan goedgekeur om tenks te ontwikkel. Winston Churchill was betrokke by die projek. Die eerste tenk het sy verskyning gemaak op 15 September 1916 toe 49 tenks deelgeneem het aan die Slag van die Somme. Die potensiaal van die tenk was nie werklik besef en gebruik tydens die Eerste Wêreldoorlog nie.

Tussen die twee wêreldoorloë is die tenk verder ontwikkel. Daar was op 'n stadium twee sienings oor die gebruik van die tenk: die een siening was dat die tenk slegs in 'n ondersteuningsrol gebruik moes word. Tenks moes die infanteriste ondersteun om doelwitte te bereik; soos tydens die Eerste Wêreldoorlog. Die tweede siening was dat massas tenks gebruik moes word om deur vyandelike linies te breek. Die Duitsers het hierdie strategie goed gebruik tydens hulle inval in Frankryk tydens die Tweede Wêreldoorlog. Dit het aanleiding gegee tot die term Blitzkrieg.

Die oorlog in Noord-Afrika is deur tenks beslis tydens die Tweede Wêreldoorlog, deur die gebruik van die tenk se beweegbaarheid tesame met skoktaktiek en die verrassingselement. Die Duitse veldmaarskalk Erwin Rommel het homself onderskei as 'n meester in die gebruik van tenks tydens die Noord-Afrikaanse oorlog. Die Koreaanse oorlog het bewys dat tenks net met tenks beveg kan word.

Duitse Leopard[wysig | wysig bron]

Die Leopard I en Leopard II tenks is nog in gebruik in die Duitse weermag. Dit is spesiaal ontwikkel om met 'n groot verskeidenheid brandstof gebruik te kan word. Enige mengsel van diesel tot sonneblomolie of gebruikte kookolie sal doen. Die reuse silinders en suiers van die tenk is so groot soos kookpotte.

Bron[wysig | wysig bron]

  • Collier's Encyclopedia. Volume 22. Bladsy 54. 1971

Eksterne skakels[wysig | wysig bron]

Commons-logo.svg
Wikimedia Commons het meer media verwant aan: