Terri Stander

in Wikipedia, die vrye ensiklopedie
Terri Stander

Skadu-adjunkminister van Vroue in die Presidensie
Ampstermyn
1 Januarie 2017 – 7 Mei 2019
Leier Mmusi Maimane
Voorafgegaan deur Nomsa Marchesi
Opgevolg deur Nazley Sharif

Skadu-adjunkminister van Openbare Ondernemings
Ampstermyn
3 Oktober 2015 – 1 Januarie 2017
Leier Mmusi Maimane
Voorafgegaan deur Erik Marais
Opgevolg deur Erik Marais

Skadu-adjunkminister van Omgewingsake
Ampstermyn
5 Junie 2014 – 3 Oktober 2015
Leier Mmusi Maimane
Voorafgegaan deur Francois Rodgers
Opgevolg deur Johni Edwards

Lid van die Nasionale Vergadering van Suid-Afrika
Ampstermyn
21 Mei 2014 – 7 Mei 2019

Persoonlike besonderhede
Politieke party Demokratiese Alliansie
African National Congress (voorheen)
Alma mater Universiteit van Suid-Afrika

Terri Stander is 'n Suid-Afrikaanse politikus en die huidige wyksraadslid vir Wyk 5 in die Nelson Mandelabaai Metropolitaanse Munisipaliteit. Sy was vanaf 2014 tot 2019 'n lid van die Nasionale Vergadering van Suid-Afrika vir die DA.

Biografie[wysig | wysig bron]

Stander het in 2000 aan Hoërskool Port Alfred gematrikuleer. Sy het toe vanaf 2001 tot 2005 vir Norufin Housing (Edms) Bpk (Behuisingsfinansieringsverskaffer) gewerk. Sy het 'n BA-graad in Toegepaste Sielkunde vir Professionele Kontekste van die Universiteit van Suid-Afrika behaal. Stander het tussen Oktober 2005 tot Augustus 2006 as 'n Menslike Hulpbronbeampte by die Sentrale Distriksmunisipaliteit in die Noordwes gewerk. Stander het in 2007 haar eie arbeidsregskonsultasie, HR Solutions, begin. Sy het rubrieke vir AVUSA geskryf waarin sy HR- en IR-aangeleenthede bespreek het. Sy is 'n voormalige lid van die African National Congress. Sy het by die ANC aangesluit terwyl sy by die CDM gewerk het. Sy het nie haar lidmaatskap ná 2007 hernu nie weens die party se groeiende reputasie van betrokkenheid by korrupsie.

Stander het in 2009 aan die Demokratiese Alliansie se Jong Leiers-program deelgeneem. Nadat sy die program voltooi het, het sy 'n partylid geword en as 'n takvoorsitter in Port Alfred verkies. Stander is in 2011 as 'n DA-raadslid in die Ndlambe Plaaslike Munisipaliteit verkies. Sy is daarna as die voorsitter van die Oos-Kaapse Vereniging van Demokratiese Alliansie Raadslede (ADAC) en het tussen 2012 en 2014 op die Provinsiale Uitvoerende Komitee en Federale Raad gedien.[1][2]

Parlementêre loopbaan[wysig | wysig bron]

Stander is voor die 2014-verkiesings vierde op die DA se lys van Oos-Kaapse kandidate en 37ste op die DA se nasionale lys vir die Nasionale Vergadering geplaas.[3] Sy is tot die Nasionale Vergadering verkies.[4] Die nuutverkose DA parlementêre leier Mmusi Maimane het vir Stander as die skadu-djunkminister van omgewingsake aangestel.[5]

Op 3 Oktober 2015 is Stander as die skadu-adjunkminister van openbare ondernemings aangestel.[6] Sy is op 24 November 2016 as skadu-adjunkminister van vroue aangestel. Haar aanstelling het op 1 Januarie 2017 in werking getree.[7]

Stander het op 19 Julie 2018 'n bedrog- en korrupsiesaak teen Sisisi Tolashe, burgemeester van Enoch Mgijima Plaaslike Munisipaliteit, haar voorganger Lindiwe Gunuza-Nkwentsha en ander munisipale amptenare geopen. Stander het gesê dat sy hulle uitgesonder het omdat die munisipaliteit versuim het om dienste te lewer en dat korrupsie onder hul toesig toegeneem het.[8]

Stander was 'n DA-parlementêre kandidaat vir die 2019-verkiesing.[9] Sy is nie herverkies nie weens die daling in die DA se steun.[10]

Raadslid[wysig | wysig bron]

Stander is in September 2021 as die DA se wyksraadskandidaat vir wyk 5 in die Nelson Mandelabaai Metropolitaanse Munisipaliteit vir die plaaslike regeringsverkiesing op 1 November 2021 aangekondig.[11] Sy het die wyk by die verkiesing gewen.[12]

Verwysings[wysig | wysig bron]

  1. "Terri Stander". People's Assembly (in Engels). Besoek op 25 September 2021.
  2. "Ms Terri Stander (DA)". People's Assembly (in Engels). 6 November 2017. Besoek op 25 September 2021.
  3. "DA councillor off to parliament". HeraldLIVE (in Engels). Besoek op 25 September 2021.
  4. "2014 elections: List of DA MPs elected to the National Assembly - DOCUMENTS | Politicsweb". www.politicsweb.co.za (in Engels). Besoek op 25 September 2021.
  5. "The DA`s shadow cabinet - Mmusi Maimane - POLITICS | Politicsweb". www.politicsweb.co.za (in Engels). Besoek op 25 September 2021.
  6. "DKB no longer shadow minister of police - Mmusi Maimane - POLITICS | Politicsweb". www.politicsweb.co.za (in Engels). Besoek op 25 September 2021.
  7. "Changes to Shadow Cabinet and Parliamentary Caucus – Mmusi Maimane - POLITICS | Politicsweb". www.politicsweb.co.za (in Engels). Besoek op 25 September 2021.
  8. "Fraud charges fot Komani top brass". DispatchLIVE (in Engels). Besoek op 25 September 2021.
  9. "#DALists: One South Africa for All in action". Democratic Alliance (in Engels). Besoek op 25 September 2021.
  10. "SEE: These are the people who will represent you in Parliament, provincial legislatures". News24 (in Engels (VSA)). Besoek op 25 September 2021.
  11. "DA announces new faces for ward candidates". HeraldLIVE (in Engels). Besoek op 6 Desember 2021.
  12. "Meet Nelson Mandela Bay's new councillors". HeraldLIVE (in Engels). Besoek op 6 Desember 2021.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.