Tertius Meintjes
| Tertius Meintjes | |
| Beroep(e) | Akteur |
|---|---|
| Internet-rolprentdatabasis-profiel | |
Tertius Meintjes is ’n Suid-Afrikaanse TV- en verhoogkunstenaar, dramaturg en fotograaf. Hy was met die aktrise Aletta Bezuidenhout getroud.
Lewe[wysig | wysig bron]
Meintjes het ’n nasionale diploma aan die dramaskool van die Pretoriase Technikon behaal. Hy het in die laat 1970's in die produksie Equus die rol van Alan Strang vertolk. Ander verhoogproduksies sluit in Sing jy van Bomme (Kruk, 1988) en Paulus (KKNK, 2007).
Hy het die verhoogstuk Dis Seker die Honde geskryf, asook die TV-prent The Pink Leather Chair vir M-Net se New Directions wat in 1995 as die beste nuwe draaiboek gekies is.
Op TV het hy een van die hoofrolle in Plek van die Vleisvreters gespeel en was hy te sien in Isidingo en verskeie ander produksies.
Meintjes was ook ’n assistentdirekteur en direkteur in die reklamebedryf in Kaapstad en het ’n musiekklub in Kalkbaai bedryf.