The Jacobite

The Jacobite is 'n toeriste-stoomtreindiens wat in die somermaande tussen April en Oktober deur die Skotse spoorwegonderneming West Coast Railways op die roete tussen Fort William en Mallaig aangebied word. Hierdie roete oor 'n afstand van 84 myl maak deel uit van die West Highland Line.

Die stoomtreinrit begin naby die hoogste bergpiek van Groot-Brittanje, Ben Nevis; met Arisaig, die mees westelike treinstasie van vastelandse Groot-Brittanje as een van sy haltes; loop verby Loch Morar en die kortste rivier in Brittanje, River Morar; en bereik sy laaste halte naby die diepste seewater-loch in Europa, Loch Nevis.

Rolprent- en Harry Potter-entoesiaste sal die Jacobite-lokomotiewe en waens maklik herken as die treinstel wat in die Harry Potter-rolprentreeks as Hogwarts Express te sien is.

Eksterne skakels[wysig | wysig bron]

Wikimedia Commons het meer media in die kategorie The Jacobite.
The Jacobite - Amptelike webtuiste van West Coast Railways
Visit Scotland: The Jacobite steam train