The Sealed Room
| The Sealed Room | |
|---|---|
| Regisseur | D. W. Griffith |
| Draaiboek |
|
| Met | |
| Musiek deur | Robert Israel |
| Kinematografie | G. W. Bitzer |
| Verspreider | Biograph Company |
| Uitgereik | 2 September 1909 |
| Speeltyd | 11 min |
| Land |  VSA |
| IMDb-profiel | |
The Sealed Room (ook bekend as The Sealed Door) is ’n elf-minuut lange Amerikaanse stilfilm wat in September 1909 vrygestel is en handel oor 'n jaloerse heerser se wraak. Die film is vervaardig deur die Biograph Company en geregisseer deur D. W. Griffith. Die rolverdeling sluit in Arthur V. Johnson, Marion Leonard, Henry B. Walthall, Mary Pickford, en Mack Sennett. Dit is versprei na teaters as deel van ’n dubbelvertoning saam met die drie-minute komiese kortfilm The Little Darling.[1][2] Afdrukke van The Sealed Room bestaan steeds in die filmargiewe van die Moderne Kunsmuseum in Manhattan (as 'n 35mm asetaat fynkorrel meester-negatief) en die Amerikaanse Library of Congress (as 'n 35mm papierpositief). Die film is in die publieke domein in die Verenigde State.
Tema
[wysig | wysig bron]Die film se tema van inmuuring is geïnspireer deur Honoré de Balzac se La Grande Bretêche en Edgar Allan Poe se The Cask of Amontillado, wat albei die sentrale tema het van mense wat lewend in 'n muur of kamer ingemessel word. Die koning bou ’n knus, vensterlose liefdesnes vir homself en sy konkubine. Sy is egter nie lojaal aan haar heerser nie, maar het ’n verhouding met die hof-troebadoer. Hulle gebruik selfs die koning se nuwe speelkamer vir hul geheime ontmoetings. Wanneer die koning dit ontdek, roep hy sy messelaars. Terwyl die ontroue paartjie nog binne is, gebruik die messelaars klip en sement om stilweg die enigste deur na die kamer toe te messel. Die twee geliefdes versmoor, en die film eindig.[3]
Hoofrolspelers
[wysig | wysig bron]- Arthur V. Johnson as die koning/graaf
- Marion Leonard as die gravin
- Henry B. Walthall as die troebadoer
Verwysings
[wysig | wysig bron]- ↑ The Sealed Room
- ↑ Thomas S. Hischak. American Literature on Stage and Screen: 525 Works and Their Adaptations
- ↑ "The Sealed Room"[dooie skakel], van die Silent Era webwerf.
Eksterne skakels
[wysig | wysig bron]
Wikimedia Commons het meer media in die kategorie The Sealed Room.
Wikiquote het aanhalings deur The Sealed Room.- The Sealed Room in die Internet-rolprentdatabasis
| Normdata: Nasionaal |
|---|
