The Stranger

The Stranger
Richard Armitage Dervla Kirwan Hannah John-Kamen Siobhan Finneran
Geskep deur	Harlan Coben, gebaseer op die roman The Stranger deur Harlan Coben
Geskryf deur	Danny Brocklehurst Mick Ford Karla Crome Charlotte Coben
Geregisseer deur	Daniel O'Hara Hannah Quinn
Met	Richard Armitage Siobhan Finneran Jennifer Saunders Shaun Dooley Paul Kaye Dervla Kirwan Kadiff Kirwan Jacob Dudman Ella-Rae Smith Brandon Fellows Misha Handley Anthony Head Hannah John-Kamen Stephen Rea
Temamusiekkomponis	David Buckley
Oorsprong	Brittanje
Taal	Engels
Aantal episodes	8
Uitvoerende vervaardiger(s)	Danny Brocklehurst Harlan Coben Richard Fee Nicola Shindler
Vervaardiger(s)	Madonna Baptiste
Produksiemaatskappy	Red Production Company
Uitsending
Oorspronklike kanaal	Netflix
Oorspronklike lopie	30 Januarie 2020 (2020-01-30)

The Stranger is 'n Britse rillerminireeks van agt episodes vir televisie wat hoofsaaklik deur Danny Brocklehurst geskryf is. Dit is geskoei op die 2015-roman deur Harlan Coben met dieselfde titel.

Die minireeks se première op Netflix was op 30 Januarie 2020. Van die hoofakteurs is Richard Armitage, Siobhan Finneran en Hannah John-Kamen.

---

Bederwingswaarskuwing: Die storielyn en/of storie se einde volg hieronder.

---

Opsomming

'n Geheimsinnige vreemdeling, 'n vrou in haar 20's met 'n bofbalpet op, nader Adam Price en vertel hom 'n geheim. Adam se vrou verdwyn as gevolg daarvan. Namate die storie vorder, word onthul die vreemdeling het baie meer geheime.

Hoofkarakters

• Richard Armitage as Adam Price, die man van Corinne Price en die pa van Thomas en Ryan. Adam is die eerste persoon in die reeks wat deur 'n geheimsinnige vrou met 'n bofbalpet op genader word. Sy vertel vir Adam sy vrou het 'n swangerskap geveins en hy vind uit dit is waar. Corinne verdwyn daarna.
• Siobhán Finneran as speursersant Johanna Griffin, wat aanvanklik 'n saak hanteer oor 'n alpakka se kop wat afgekap is. Later vind sy die verband uit tussen die vreemdeling en ander polisiesake.
• Jennifer Saunders as Heidi Doyle, 'n vrou wat 'n koekwinkel besit. Sy is 'n goeie vriendin van Griffin en word later vermoor.
• Shaun Dooley as Doug Tripp, Adam se vriend van baie jare en 'n buurman.
• Paul Kaye as Patrick Katz, 'n polisieman wat die vreemdeling jag.
• Dervla Kirwan as Corinne Price, Adam se vrou
• Kadiff Kirwan as speurkonstabel Wesley Ross, wat Griffin met haar ondersoeke help.
• Jacob Dudman as Thomas Price, Adam en Corrine se oudste seun.
• Ella-Rae Smith as Daisy Hoy, Thomas se tienerliefde wat saam met hom skoolgaan.
• Misha Handley as Ryan Price, Adam en Corinne se jongste seun.
• Brandon Fellows as Mike Tripp, Thomas se vriend wat een aand 'n dwelm ingegee word en vreemde dinge aanvang.
• Anthony Head as Edgar Price, Adam se pa, 'n rokjagter en eiendomsontwikkelaar.
• Hannah John-Kamen as Die Vreemdeling, 'n vrou in haar 20's met 'n bofbalpet op. Sy vind mense se geheime uit en waarsku hulle of pers hulle af
• Stephen Rea as Martin Killane, 'n afgetrede polisieman.

Ontvangs

Op Rotten Tomatoes is die goedkeuringsyfer 87% en die gemiddelde punt 6,6/10, gbaseer op 23 resensies. Die webtuiste se konsensus lui: "Al is dit nie heeltemal so verslawend as die bronmateriaal nie, het The Stranger 'n sterk rolverdeling en genoeg spanning om die kykers vasgenael te hou." Op Metacritic het die reeks 'n punt van 62 uit 100 gekry, gebaseer op vyf resensies, wat dui op "algemeen gunstig".

Skakels

• The Stranger op IMDb
• The Stranger op Netflix

• Hierdie artikel is in sy geheel of gedeeltelik uit die Engelse Wikipedia vertaal.