The Woman in the Window
| The Woman in the Window | |
|---|---|
| Regisseur | Joe Wright |
| Vervaardiger |
|
| Geskoei op | The Woman in the Window deur A.J. Finn |
| Met | |
| Musiek deur | Danny Elfman |
| Kinematografie | Bruno Delbonnel |
| Ateljee | |
| Verspreider | Netflix[2] |
| Uitgereik | 14 Mei 2021 |
| Speeltyd | 100 minute |
| Land | VSA |
| Taal | Engels |
| IMDb-profiel | |
The Woman in the Window is 'n Amerikaanse sielkundige rillerrolprent van 2021 wat deur Joe Wright geregisseer en deur Tracy Letts geskryf is. Dit is geskoei op die roman met dieselfde naam van 2018 deur A.J. Finn. Die fliek gaan oor 'n vrou met agorafobie (Amy Adams) wat haar nuwe bure (Gary Oldman, Fred Hechinger en Julianne Moore) begin afloer en die getuie van 'n moord in hulle huis is. Nog akteurs is Anthony Mackie, Wyatt Russell, Brian Tyree Henry en Jennifer Jason Leigh.
Die rolprent is deur Fox 2000 Pictures vervaardig en sou teen Oktober 2019 in teaters uitgereik word. Dit is egter tot Mei 2020 uitgestel weens die Covid-19-pandemie en eindelik aan Netflix verkoop.[3] Dit is op 14 Mei 2021 uitgereik en is beskou as een van die beste Netflix-titels van dié jaar.[4] Resensies was gemeng tot negatief; die toneelspel is geprys, maar die storielyn is afgeskiet.[5]
Die rolprent en roman is onder die inspirasies vir Netflix se donkerkomediereeks van 2022 The Woman in the House Across the Street from the Girl in the Window, wat die draak steek met die genre van sielkundige dramas.[6]
Storielyn
[wysig | wysig bron]Bederwingswaarskuwing: Die storielyn en/of storie se einde volg hieronder.
.jpg)
_(cropped).jpg)
Die kindersielkundige Anna Fox woon alleen in 'n huis in Manhattan nadat sy van haar man, Edward, geskei het. Hy en hulle dogter, Olivia, woon elders, maar hulle praat daagliks oor die foon. Anna ly aan agorafobie en haar ingeperkte toestand maak dat sy uit haar venster op die tweede verdieping al haar bure se doen en late dophou, insluitende dié van die Russell-gesin, wat kort tevore oorkant die straat ingetrek het. Sy drink baie pille en drank.
Een middag besoek die Russells se seun, Ethan, haar en impliseer dat sy pa mishandelend is. Sy ma, Jane, besoek haar ook en hulle raak bevriend. Een nag sien Anna hoe Jane in die sitkamer doodgesteek word. Sy bel die polisie, maar hulle glo haar nie en beweer almal in die gesin is oukei. Alistair kom saam met Jane daar aan, maar sy is tot Anna se skok 'n heel ander vrou as die een wat sy ontmoet het. Sy begin op die Russells spioeneer.
Anna se huurder, David, wat in die kelderverdieping woon, sê hy het niks gsien of gehoor nie, maar Anna vind uit hy was in die tronk en het sy paroolvoorwaardes oortree. Sy ontvang 'n anonieme e-pos met 'n foto waar sy slaap. Sy bel weer die polisie, wat saam met die Russells en David na Anna se huis kom, maar dit word deur 'n speurder onthul dat Edward en Olivia in 'n ongeluk dood is wat deur Anna veroorsaak is. Anna is nou agorafobies as gevolg daarvan en haar medisyne veroorsaak dat sy hallusineer en gesprekke voer met mense wat nie daar is nie.
Anna vra die Russells verskoning en hou op op hulle dop te hou. Sy neem 'n video op haar selfoon op terwyl sy beplan om met 'n oordosis pille selfmoord te pleeg. Sy ontdek dan op haar rekenaar 'n foto wat sy van haar kat geneem het, en in die weerkaatsing van die wynglas sien sy die oorspronklike Jane, wat bewys sy bestaan werklik. Anna wys David die foto en hy beken die oorspronklike Jane wat sy ontmoet het, is 'n vrou genaamd Katie Melli, en sy is Ethan se biologiese ma. Katie het die Russells bekruip in die hoop om naby Ethan te kom. David weier om Anna te help om die waarheid te ontbloot. Dan word hy skielik deur Ethan, wat in die huis weggekruip het, aangeval en vermoor.
Ethan onthul aan Anna dat hy Katie vermoor het en 'n reeksmoordenaar is, wat ook Alistair se uitvoerende beampte in Boston vermoor het. Hy is nou van plan om Anna te vermoor. Hy kruip al 'n week lank in die huis weg en is die een wat die foto van haar geneem het terwyl sy slaap. Anna vlug na die dak, waar hulle veg totdat sy hom deur die dakvenster na sy dood stamp.
Nege maande later is Anna nugter en gesond. Sy groet haar huis voordat sy uittrek om 'n nuwe lewe te begin; sy is nou nie meer bang vir die buitewêreld nie.
Hoofakteurs
[wysig | wysig bron]- Amy Adams as dr. Anna Fox, 'n kindersielkundige wat aan agorafobie ly
- Gary Oldman as Alistair Russell, Anna se buurman
- Anthony Mackie as Edward Fox, Anna se vervreemde man
- Fred Hechinger as Ethan Russell, Alistair se tienerseun
- Wyatt Russell as David Winter
- Brian Tyree Henry as speurder Little
- Julianne Moore as Katie Melli
- Jennifer Jason Leigh as Jane Russell
Ontvangs
[wysig | wysig bron]Op Rotten Tomatoes het The Woman in the Window 'n goedkeuringsyfer van 25%, gebaseer op 217 resensies, en 'n gemiddelde punt van 4,6/10. Op Metacritic het dit 'n punt van 41 uit 100, gebaseer op 39 resensies, wat dui op 'n "gemengde of gemiddelde" ontvangs.
Volgens baie resensente is die prent op 'n goeie tyd uitgereik, ná meer as 'n jaar van inperking weens Covid-2019, en The Hollywood Reporter het gesê die fliek se "ingeperkte hoofkarakter word nou soveel makliker deur gehore verstaan".[1][7]
Adams se toneelspel en die visuele aspek van die prent is geprys.[1][8] Rolling Stone se David Fear noem Adams 'n veelsydige aktrise wat lig, donker en enigiets tussenin kan wees. Sy "het 'n buitengewone slag om 'n vrou-langsaan-gevoel aan die meeste van haar rolle te gee".[9] Christy Lemire van RogerEbert.com het geskryf die regisseur, Joe Wright, "laat Anna se Manhattan-woonstel beide spelonkagtig en kloustrofobies voel".[10] Stephanie Zacharek van Time noem die pent 'n "koel, smaakvolle sielkundige riller".[11] Sy sê die prent is "genotvol vir sy eie teatrale somberheid."[11]
A.O. Scott van The New York Times sê die prent is soortgelyk aan ander sielkundige rillers oor vroue in nood, sonder om besonder opwindend of sielkundig insiggewend te wees.[12] NPR se Linda Holmes meen: "Vindingrykheid is om die formule te gebruik om iets betekenisvol nuuts te skep, en dit is waar die prent te kort skiet."[13]
Verwysings
[wysig | wysig bron]- 1 2 3 4 Linden, Sheri (13 Mei 2021). "Netflix's The Woman in the Window: Film Review". The Hollywood Reporter. Besoek op 25 Julie 2023.
- ↑ "Woman In The Window: When It Is Heading On Netflix, Every Detail Fans Should Know". The Digital Wise. 24 Augustus 2020. Geargiveer vanaf die oorspronklike op 27 Oktober 2020. Besoek op 12 September 2020.
- ↑ Huff, Lauren (7 Januarie 2021). "After years of delays, 'The Woman in the Window' is ready for its Netflix release". EW.com (in Engels). Besoek op 3 Augustus 2023.
- ↑ Moore, Kasey (29 Desember 2021). "Most Popular New Netflix Movies Released in 2021". What's on Netflix (in Engels). Besoek op 3 Augustus 2023.
- ↑ "The Woman in the Window". Rotten Tomatoes. Fandango. Besoek op 19 Junie 2025.
- ↑ Worthington, Clint (27 Januarie 2022). "The Woman in the House Across the Street From the Girl in the Window Drags Its Long Title Through an Uninspired Season | TV/Streaming". RogerEbert.com (in Engels). Besoek op 3 Augustus 2023.
- ↑ Menta, Anna (15 Mei 2021). "Amy Adams 'The Woman In the Window' Provides Post-Lockdown Catharsis". Decider (in American English). Besoek op 29 Julie 2023.
- ↑ Brody, Richard (17 Mei 2021). "Review: The Woman in the Window is Junk with Visual Verve". The New Yorker. Geargiveer vanaf die oorspronklike op 18 Mei 2021.
- ↑ Fear, David (14 Mei 2021). "'The Woman in the Window': Amy Adams Gets Rear-Windowed". Rolling Stone. Besoek op 12 Februarie 2024.
- ↑ Lemire, Christy (14 Mei 2021). "The Woman in the Window movie review (2021)". RogerEbert.com (in Engels). Besoek op 29 Julie 2023.
- 1 2 Zacharek, Stephanie (13 Mei 2021). "'The Woman in the Window' Is an Effective Agoraphobia Thriller with a Chilly Uptown Sheen". Time (in Engels). Geargiveer vanaf die oorspronklike op 15 Desember 2023. Besoek op 29 Julie 2023.
- ↑ Scott, A. O. (13 Mei 2021). "'The Woman in the Window' Review: Don't You Be My Neighbor". The New York Times (in American English). ISSN 0362-4331. Besoek op 29 Julie 2023.
- ↑ Holmes, Linda (14 Mei 2021). "'The Woman In The Window' Locks Amy Adams Inside". NPR (in Engels). Geargiveer vanaf die oorspronklike op 29 Julie 2023. Besoek op 2 Augustus 2023.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
