Thomas Müller
.jpg) Müller met Bayern München in 2022 | |||
| Persoonlike inligting | |||
|---|---|---|---|
| Geboortedatum | 13 September 1989[1] | ||
| Geboorteplek | Weilheim in Oberbayern, Wes-Duitsland | ||
| Lengte | 1.85 m[2] | ||
| Speelposisie | Voorspeler, aanvallende middelvelder | ||
| Klubinligting | |||
| Huidige klub | Bayern München | ||
| Nommer | 25 | ||
| Jeugloopbaan | |||
| 1993–2000 | TSV Pähl | ||
| 2000–2007 | Bayern München | ||
| Seniorloopbaan* | |||
| Jare | Span | Kere† | (Doele)† |
| 2007–2009 | Bayern München | 35 | (16) |
| 2008– | Bayern München | 502 | (150) |
| Nasionale span | |||
| 2004–2005 | Duitsland O/16 | 6 | (0) |
| 2007 | Duitsland O/19 | 3 | (0) |
| 2008 | Duitsland O/20 | 1 | (1) |
| 2009 | Duitsland O/21 | 6 | (1) |
| 2010–2024 | Duitsland | 131 | (45) |
| * Kere vir seniorklub uitgedraf en doele is net vir die plaaslike liga. en korrek soos op 18:22, 10 Mei 2025 (UTC). † Kere uitgedraf (Doele). | |||
Thomas Müller (Duitse uitspraak: [ˈtoːmas ˈmʏlɐ]; gebore 13 September 1989) is ’n Duitse professionele sokkerspeler wat vir die Bundesliga-klub Bayern München speel. Hy speel hoofsaaklik as ’n aanvallende middelvelder of tweede voorspeler.[3][4][5] Müller word wyd beskou as een van die beste spelers van sy era, en is geloof vir sy posisionering, afronding, spelmaakvermoë, werksetiek en konsekwentheid in beide doelwitmaak en doelwit-skep.[6][7][8][9]
As ’n produk van Bayern München se jeugstelsel, het Müller sy hele loopbaan by die klub deurgebring. Met Bayern het hy ’n rekord van dertien Bundesliga-titels, ses DFB-Pokals, agt DFL-Superpokale, twee UEFA Champions League-titels, twee UEFA Superbekers en twee FIFA-Klubwêreldbekers gewen. Hy het in die 2009–10-seisoen by die eerste span aangesluit nadat Louis van Gaal as hoofafrigter aangestel is; hy het bykans elke wedstryd daardie seisoen gespeel, toe Bayern die liga- en bekerdubbel gewen en die 2010 UEFA Champions League-eindstryd bereik het. Müller het in die 2012 Champions League-eindstryd gescore, alhoewel Bayern die eindstryd met strafskoppe verloor het. Müller het 23 doele in die 2012–13-seisoen aangeteken toe Bayern ’n historiese drieslag behaal het: die ligatitel, beker en Champions League. Hy het die Bundesliga-rekord vir die meeste hulpdoele (assists) in ’n seisoen met 21 gebreek (’n gesamentlike rekord in die vyf top-ligas saam met Lionel Messi in La Liga) en het 14 doele aangeteken in die 2019–20-seisoen, toe Bayern ’n tweede drieslag gewen het. Met meer as 750 wedstryde oor sewentien seisoene gespeel, is Müller Bayern se speler met die meeste verskynings in die klub se geskiedenis. Hy hou ook die rekord vir die meeste Champions League-verskynings met een klub.
Müller is in 2010 na die Duitse nasionale span opgeroep. By die 2010 FIFA Wêreldbeker het hy vyf doele in ses wedstryde aangeteken, terwyl Duitsland in derde plek geëindig het. Hy is aangewys as die Beste Jong Speler van die toernooi en het die Goue Stewel gewen as die toernooi se topskuts. By die 2014 FIFA Wêreldbeker het hy ’n belangrike rol gespeel in Duitsland se trofeewen, en het weer vyf doele aangeteken. Hy het die Silwerbal ontvang as die toernooi se tweede beste speler, en die Silwerstewel as die tweede hoogste doelskutter. Hy is ook in die Wêreldbeker All-Star XI en die Droomspan ingesluit. Hy het ná die UEFA Euro 2024 uit internasionale sokker getree. In 2020 het Müller die mees bekroonde Duitse sokkerspeler in die geskiedenis geword met 27 trofeë, alhoewel Toni Kroos hom later verbygesteek het. Hy het uiteindelik Kroos se rekord geëwenaar met ’n totaal van 34 trofeë.[10][11][12]
Verwysings
[wysig | wysig bron]- ↑ "Thomas Müller: Overview". ESPN. Besoek op 27 Junie 2020.
- ↑ "Thomas Müller". FC Bayern Munich. Besoek op 27 Junie 2020.
- ↑ "Thomas Müller: the most under-appreciated player in world football". Bundesliga. 13 Februarie 2020. Besoek op 23 Februarie 2022.
- ↑ Jawale, DArshan (23 April 2021). "Top 10 Best Midfielders in the World 2022 (Ranked)". SportingFree. Besoek op 23 Februarie 2022.
- ↑ Rashid, Saad (21 September 2015). "Why Thomas Müller is the most underrated player of his generation". World Soccer Talk. Besoek op 23 Februarie 2022.
- ↑ "'Forget Messi and Ronaldo - kids should copy Thomas Muller' - Thierry Henry | Goal.com UK". www.goal.com. 6 Augustus 2014.
- ↑ "Thomas Müller's companions on road to Bayern appearance record: Gerland, Klose, Guardiola". FC Bayern Munich. 3 September 2024. Besoek op 1 Desember 2024.
- ↑ "Ranked! The 101 greatest football players of the last 25 years: full list". FourFourTwo (253 uitg.). 13 Februarie 2018. Besoek op 22 Desember 2023.
- ↑ "Thomas Müller" (in Duits). DFB. 15 Januarie 2014. Besoek op 18 Oktober 2015.
- ↑ GOAL (30 September 2020). "Muller Becomes Most Decorated Player in German History After Bayern Lift DFL Super Cup". GOAL. Geargiveer vanaf die oorspronklike op 3 Junie 2023. Besoek op 17 Junie 2024.
Muller has picked up his record 27th trophy of his club career.
- ↑ "Thomas Müller: The numbers behind Bayern's record appearance holder". FC Bayern Munich. Besoek op 2 Desember 2024.
- ↑ "Thomas Müller und Toni Kroos sind die deutschen Spieler mit den meisten Titeln" (in Duits). Sky Sport. 4 Mei 2025.
Eksterne skakels
[wysig | wysig bron]- (de) Amptelike webwerf
Wikimedia Commons het meer media in die kategorie Thomas Müller.
