Tiangong

in Wikipedia, die vrye ensiklopedie
Spring na: navigasie, soek
Diagram van Tiangong 1 (links) met ’n besoekende Shenzhou-ruimtetuig (regs).

Tiangong (Sjinees: 天宫一号; "Hemelse Paleis") is ’n ruimtestasieprogram van die Volksrepubliek van Sjina. Die doel is om ’n ruimtestasie te bou wat vergelykbaar is met die Russiese stasie Mir. Dit is ’n onafhanklike projek sonder samewerking met enige ander land. [1]

Die projek[wysig]

Die program is in 1992 begin as Projek 921-2. ’n Groot ruimtestasie sal in drie fases gebou word en teen 2020 voltooi wees,[2] min of meer teen die tyd dat die Internasionale Ruimtestasie van diens onttrek sal word.[3]

Sjina het sy eerste ruimtelaboratorium, Tiangong 1, op 29 September 2011 gelanseer. ’n Meer gevorderde laboratorium, Tiangong 2, word nou gebou en sal opgevolg word deur Tiangong 3. Tiangong 1 sal later in 2013 uit sy wentelbaan gehaal word en sal nie deel uitmaak van die eindelike ruimtestasie nie. Dié sal bestaan uit ’n kernmodule van 20 ton, twee kleiner navorsingsmodules en ’n vragtuig.[4] Drie ruimtevaarders sal op lang termyn daar kan bly.[2]

Shenzhou-program[wysig]

Tydens die twee jaar van Tiangong 1 se bestaan besoek verskeie Shenzhou-ruimtetuie dit. Die eerste, Shenzhou 8, het dit in November 2011 besoek[5] en die bemande Shenzhou 9 in Junie 2012.[6][7]

’n Derde en laaste sending, Shenzhou 10, is op 11 Junie 2013 gelanseer met drie bemanningslede aan boord.[8] Die lansering sou vroeër vanjaar plaasgevind het, maar dit is uitgestel sodat die bemanning ingewikkelder eksperimente kon uitvoer.[9] Die bemanningslede sluit Sjina se tweede vroulike ruimtevaarder, Wang Yaping, in.[8] Die ander twee is Nie Haisheng en Zhang Xiaoguang.

Verwysings[wysig]

  1. "China unveils rival to International Space Station", 2011-04-26. URL besoek op 2011-04-27.
  2. 2,0 2,1 David, Leonard, "China Details Ambitious Space Station Goals", 2011-03-11. URL besoek op 2011-03-09.
  3. China takes first step towards space station”. 20 September 2011.
  4. http://www.chinadaily.com.cn/china/2009-03/03/content_7528607.htm
  5. "Chinese spacecraft dock in orbit". BBC News. 2 November 2011.
  6. China launches space mission with first woman astronaut”. BBC News: 16 Junie 2012.
  7. China to carry out manned space flight”. BBC News: 9 Junie 2012. URL besoek op 26 Oktober 2012.
  8. 8,0 8,1 Shenzhou-10: China launches next manned space mission”. BBC: 11 Junie 2013. URL besoek op 11 Junie 2013.
  9. Reshuffle for Tiangong”. Space Daily: 23 Januarie 2013. URL besoek op 12 Februarie 2013.

Eksterne skakels[wysig]