Tickey

Tickey (Tiekie), 'n dwergie, was 'n bekende en geliefde hanswors in Suid-Afrika. Hy is as Eric Hoyland in Yorkshire, Engeland gebore. Sy pa was daar 'n mynweker. Aanvanklik was Tickey 'n gimnas. Op 15-jarige ouderdom sluit hy by 'n groep dwergies bekend as die Lilliputs aan. In 1933 vestig hy hom in Suid-Afrika, word lid van die Boswell-sirkus en lewer as lid van 'n driemanskap 'n trampolienvertoning. T.V. Bulpin het in 1976 die boek “Tickey: the story of Eric Hoyland” gepubliseer. Tickey is op 21 Oktober 1988 oorlede na 'n loopbaan van byna 60 jaar in die vermaaklikheidsbedryf.