Toktokkie
.jpg)
Toktokkie is 'n speletjie wat veral vroeër jare deur stout kinders gespeel is.
Een persoon word gekies of uitgedaag om aan 'n huis se deur te gaan klop (of deurklokkie te lui), en dan so vinnig as moontlik weg te hardloop. Die ander kinders kruip dan weg om te sien of hy betyds wegkom en of hy uitgevang word. Die speletjie word dikwels in die aande in die skemer of donker gespeel. Die huis kan lukraak gekies word, maar soms word 'n kwaai oom of tannie se huis aspris geteiken.
Deesdae word die speletjie as te gevaarlik beskou en is dit nie meer algemeen nie. Kinders sit deesdae eerder in die aande voor die televisie of word dikwels nie meer in die aande op straat toegelaat nie.
As jy gereeld die deur oopmaak, en vind daar is niemand daar nie, is die kanse goed dat jy 'n slagoffer van die speletjie is. Die enigste alternatief is dan maar om vinnig by die deur uit te kom of om 'n kamera aan te bring.
