Tom, Dirk en Herrie
Tom, Dirk en Herrie is 'n 75min lange Afrikaanse drama / komedie wat in 1962 vrygestel is.[1] Die film is deur Al Debbo geregisseer met 'n draaiboek deur Emil Nofal, vervaardig deur Irene Filmateljees (Al Debbo) / Irene Film Studios en versprei deur Primedia/Nu Metro.[1]
Sinopsis
[wysig | wysig bron]Hierdie verhaal volg 'n drieling wat kort ná hul geboorte aangeneem word en onbewus van mekaar se bestaan groot word. Kort voor hul 27ste verjaarsdag ontdek hulle dat die swakste daaraan toe erfgenaam is van hul pa se boedel.
Tom probeer dadelik sy rykdom wegsteek om die prokureur te mislei. Dirk se boerpa weier om hom van sy herkoms te vertel, terwyl Herrie, 'n sirkusnar, nie sy ma wil seermaak met die nuus nie. Die prokureur bedink 'n slim, humoristiese plan om die broers te beoordeel op grond van gesondheid, geluk en geld. Elkeen van hulle skiet egter in een van hierdie aspekte tekort.
Die situasie verander drasties wanneer Tom se vriendin hom afsê, wat hom skielik "arm en ongelukkig" maak – en dus die "swakste daaraan toe". Maar soos die verjaarsdag nader kruip, word die rolle omgekeer, en Tom moet uiteindelik kies tussen geld en liefde.[1]
Rolverdeling
[wysig | wysig bron]Die rolverdeling behels Al Debbo, Gert van den Bergh, Trudie Rossouw, Morné Coetser, Joy de Kock, Lucia Greef, Sann de Lange, Willem Hauptfleish, Charlie Bale, Willie Herbst, P. Pretorius, Nora Blae, Pieter Hauptfleish, Mario Lastrucci, Carl Fisher, Louis Taylor en Morris Carré.[1]
Verwysings
[wysig | wysig bron]- 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.