Tom et Sheenah

Tom et Sheenah
Genre	Animasiereeks
Geskep deur	Agnes en Jean-Claude Bartoll
Komponis(te)	Didier Ledan Joseph Refalo
Oorsprong	Frankryk
Taal	Frans
Aantal seisoene	1
Aantal episodes	26
Produksie
Looptydperk	26 minute
Produksiemaatskappy	Master's Copyright Métal Hurlant Productions France 3
Uitsending
Oorspronklike kanaal	France 3
Eerste lopie	4 September 1999 – 5 Februarie 2000

Tom et Sheenah is 'n Franse televisieanimasiereeks van 26 aflewerings van 26 minute elk. Die reeks is geskik vir kinders vanaf 7 jaar en ouer. In Frankryk is hierdie reeks die eerste keer uitgesaai op 4 September 1999 op France 3 tydens die uitsaai van Les Minikeums. Daarna is die program weer uitgesaai op die Disney Channel en NRJ 12.

In Suid-Afrika is die Engelse oorgeklankte weergawe, Tom and Sheenah, oor SABC 2 (2000, 2001) en SABC 3 (2006, 2008) gebeeldsend.

Agtergrond

As agtjarige kom Tom se ouers (albei volkekundiges van Europese oorsprong) tydens hul ekspedisie in Afrika tragies in 'n motorongeluk om. Tom word deur die Masaistam opgeneem. Hy word aanvaar (veral deur Mana, wat uiteindelik dan ook sy aanneemma is), en word so tussen hulle in die savanne van Oos-Afrika groot.

Op vyftien is hy 'n vreeslose, dapper, skrander en nuuskierige knaap. Hy is gaande daaroor om sy teenstander, Zunaï, 'n poets te bak. Laasgenoemde is die krygerhoof en verlief op die 14-jarige meisie, Aleko, wat hom toebeloof is. Sy is egter weer meer toegeneë teenoor Tom, wat nou eenmaal die gawe het om veral Zunaï baie jaloers te maak. Aleko is weer jaloers op die mooi en onafskeidbare band tussen Tom en sy swartluiperd, Sheenah, wat die seun gevind het toe die dier maar drie jaar oud was.

Tom en Sheenah is bevriend met Collony en Ako. Collony bestuur die natuurreservaat naby die Masaistat. Sy assistent, Ako, is 'n dierearts.

Gevaarlike avonture lê vir hierdie vriende voor. Hulle kom telkens te staan voor Katcho en sy lompe handlanger, La Travers, wat namens hul baas (Bodeka, die minister van Kolimba) betrokke is 'n internasionale smokkelnetwerk wat handel dryf in produkte van allerlei aard (ivoor, dierevelle, lewende hawe, kunsskatte uit die oudheid, maar ook biologiese en chemiese wapens). Hulle het ook te kampe met droogtes en hongersnood, stamgevegte, pessiektes onder die vee, ontvoering en gyselaarskap, die heiligskennis en grafskending deur onkundige toeriste, navorsers en dokumentêrmakers, asook stamtaboes wat oortree word.

Besonderhede

• Spelleiers : Yannick Barbaud en Jean-Claude Bartoll
• Draaiboekskrywers : Jean-Claude Bartoll, Patrick Galliano, Véronique Herbaut, Catherine Guillot-Bonté, Jean Helpert, Françoise Boublil, Jean Pourtalé, Marine Locatelli en Catherine Cuenca
• Spesiale effekte : Alban Le Luel
• Oorspronklike musiek : Didier Ledan en Joseph Refalo
• Vervaardig deur : France 3, Master'S Copyright en Métal Hurlant Productions
• Verspreiding : Europe Images International
• Land :  Frankryk
• Taal : Frans
• Formaat : Kleur (1,33:1)
• Duur : 26 episodes van 26 minute elk.

Oorspronklike Franse stemme

• Tony Marot : Tom
• Sarah Marot : Aleko
• Cyril Artaux : Ako
• Michel Castelain : Conolly
• Gabriel Le Doze : Bodeka
• Joël Zaffarano : Katcho

Temalied

Die temalied "MassaÏ" word gesing deur Lââm. Hieronder is die reëls wat by die opening van elke episode gespeel word, met die Afrikaanse vertaling langsaan.

Frans		Afrikaans
Tom et Sheenah		Tom en Sheenah
Un echo sur la terre, un bruit qui retentit		'n Eggo oor die land, 'n geluid wat weerklink
Un garçon, une panthère surgissent dans la nuit		'n Seun, 'n luiperd ontwaak in die nag
Amis des Massaï, ils protègent leur terre		Vriende van die Masai, hulle beskerm hul grond
Un garçon, une panthère luttent pour leurs frères		'n Seun, 'n luiperd veg vir hul broers
	Jambo, colinba in Africa
	In sou nawa Tom et Sheenah
	Jambo, colinba in Africa
	In sou nawa Tom et Sheenah
	Tom et Sheenah
	Tom et Sheenah

Die res van die lied lui soos volg:

Frans		Afrikaans
Sous un ciel d'étoiles, ils vivent en harmonie		Onder 'n sterrehemel leef hulle in harmonie
Au coeur de la savane, le courage les unit		In die hart van die savanne, moed verbind hulle
Libres sur leur terre, c'est le sens de leur vie		Vrygeborenes op hul grond, dit is die sin van hul lewe
Un garçon, une panthère combattent leurs ennemis		'n Seun, 'n luiperd beveg hul vyande
	Jambo, colinba in Africa
	In sou nawa Tom et Sheenah
	Jambo, colinba in Africa
	In sou nawa Tom et Sheenah
	Tom et Sheenah
	Tom et Sheenah
	Jambo, colinba in Africa
	In sou nawa Tom et Sheenah
	Jambo, colinba in Africa
	In sou nawa Tom et Sheenah
	Tom et Sheenah
	Tom et Sheenah

Episodes

Die datum naas elke episode is die heel eerste uitsending oor die televisie (oor France 3).

1. Sheenah et les hommes panthères (4 September 1999)
2. Tournage à hauts risques (11 September 1999)
3. Projet top secret (18 September 1999)
4. Le trésor des pharaons noirs (25 September 1999)
5. À la recherche des origines (2 Oktober 1999)
6. Trafic d'antiquités (9 Oktober 1999)
7. Le sortilège de la corne (16 Oktober 1999)
8. Le cimetière des éléphants (23 Oktober 1999)
9. Zombies (30 Oktober 1999)
10. Safari et romance (1 November 1999)
11. Famine au nord (2 November 1999)
12. Guérilla et jeu de dupes (4 November 1999, gelys « Guerrilla »)
13. Chasse à l'homme (5 November 1999)
14. Vol au Safari hôtel (6 November 1999)
15. Les amours de Sheenah (11 November 1999)
16. Civilisation disparue (12 November 1999)
17. La voie du guerrier (13 November 1999)
18. Bétail contre clôtures (18 Desember 1999)
19. La vallée des grenouilles (27 November 1999)
20. Le volcan mystérieux (4 Desember 1999)
21. La colline mystérieuse (11 Desember 1999)
22. La jeunesse de Conolly (8 Januarie 2000)
23. Dispensaire de brousse (15 Januarie 2000)
24. Braconnage interdit (22 Januarie 2000)
25. La reine noire (29 Januarie 2000)
26. Coup d'état en brousse (5 Februarie 2000)

Verwante produkte

VHS

• Tom & Sheenah – L'Intégrale (7 volumes, 2000) ASIN : B00004VYSD

Eksterne skakels

• (fr) Blad omtrent die reeks op Planète Jeunesse
• (fr) Temalied op Youtube
• (en) Pamflet (2,3 Megagreep)