Toompea-kasteel

Die Toompea-kasteel in 2016 met die Pikk Hermann en die vlag van Estland op die voorgrond
Foto: Stefan Hiienurm

Die Toompea-kasteel is 'n Middeleeuse kasteel geleë op Toompea-heuwel in die sentrale gedeelde van die hoofstad van Estland, Tallinn. Dit huisves die Parlement van Estland (Riigikogu).

Geskiedenis

Die Toompea-kasteel van onder af gesien met die Pikk Hermann regs

Die Toompea-kasteel is voorafgegaan deur 'n antieke Estiese fort wat sedert die 9de eeu n.C. in gebruik was. In 1219, is die gebou deur Denemarke se kruisvaarders oorgeneem onder leiding van koning Valdemar II. Volgens 'n gewilde Deense legende, het die vlag van Denemarke (Dannebrog) vanuit die lug geval gedurende 'n kritieke stadium van die geveg (bekend as die Slag van Lyndanisse). Hierdie eerste behoorlike kasteel is na verwys as die "Kasteel van die Dene", in Latyn castrum danorum en in hedendaagse argaïese Estnies taani linna, waarvandaan die moderne naam van die stad Tallinn heel waarskynlik afgelei is.

In 1227 is die kasteel deur die Orde van die Broeders van die Swaard oorgeneem, wat herbouprojekte begin het. Die heropbou van die kasteel het in die 13de eeu begin en het in 'n groot mate bygedra tot die kasteel soos dit wat vandag gesien kan word. Die kasteel is net tien jaar later, in 1237, weer deur Denemarke verower, maar is in 1346 aan die Duitse Orde verkoop, en sou vir die res van die Middeleeue in hul hande bly.

Populêre kultuur

18de-eeuse Barok-aanbouings aan die kasteel, setel van die Estlandse parlement

Volgens 'n legende wat in die 19de eeu genoteer is, is die hele Toompea-heuwel eens op 'n tyd deur 'n mitologiese heldin, genaamd Linda, geskep wat dit klip-vir-klip met haar eie hande gebou het.

Bronnelys

• (en) Ruusing, Helle, red. (2008). Toompea Castle. Riigikogu Kantslei. ISBN 978-9985-9531-7-4.