Gaan na inhoud

Toronto-paneelwa-aanval van 2018

in Wikipedia, die vrye ensiklopedie
Toronto-paneelwa-aanval van 2018
'n Videobeeld van die paneelwa oomblikke voordat dit voetgangers getref het.
'n Videobeeld van die paneelwa oomblikke voordat dit voetgangers getref het.
Plek North York, Toronto, Ontario, Kanada
Teiken Voetgangers, veral vroue
Datum 23 April 2018 (2018-04-23)
Soort Voertuigstampaanval
Gesterf 11, insluitende 'n slagoffer wat in 2021 oorlede is[1]
Beseer 15
Aanvaller(s)
Naam/name Alek Minassian
Wapens Chevrolet Express-paneelwa
Motief * Om beroemd/ berug te word, vrouehaatterrorisme, insel-ideologie (staat)
* Erge geestesiekte (verdediging)
Skuldig? Aan 10 aanklagte van moord en 16 van poging tot moord
Vonnis Lewenslank, met geen parool vir 25 jaar

Die Toronto-paneelwa-aanval van 2018 ẃas 'n voertuigstampaanval wat op 23 April 2018 in Toronto, Ontario in Kanada plaasgevind het toe die bestuurder van 'n gehuurde paneelwa, die 25-jarige Alek Minassian, in Yongestraat, North York, voetgangers geteiken en 11 gedood het (10 is op die dag van die moord oorlede, en die 11de slagoffer is op 28 Oktober 2021 dood nadat hy van sy nek af verlam is en nooit die hospitaal verlaat het nie.[1] Minassian het 15 mense beseer, sommige ernstig.[2] Die voorval is een van die twee ergste voertuigstampaanvalle in die Kanadese geskiedenis.[3][4]

Toronto se polisie op die toneel.

Aanval

[wysig | wysig bron]

Die aanval het begin op die hoek van Yongestraat en Finchlaan en het suidwaarts voortgeduur tot naby Sheppardlaan. Nege van die 11 slagoffers was vroue.[5]

Die aanvaller is net suid van die misdaadtoneel in hegtenis geneem nadat hy uit die paneelwa geklim en probeer selfmoord pleeg het deur so op te tree dat 'n polisieman hom moet skiet. Die inhegtenisneming het plaasgevind sewe minute nadat die eerste noodoproep gemaak is.[6]

Die aanval word deur sommige as vrouehaatterrorisme gekenmerk omdat die motief wraak was vir waargenome seksuele en sosiale verwerping deur vroue.[7] Ten tyde van sy inhegtenisneming het Minassian homself aan die polisie as 'n insel beskryf.[8] Voorheen het hy op sosiale media die komende aanval beskryf as 'n voortsetting van die "inselrebellie" wat deur wyle Elliot Rodger begin is.[9] Minassian het in sy pleitverduideliking beweer hy is nie krimineel verantwoordelik vir die 10 aanklagte van moord en 16 van poging to moord nie, maar is in Maart 2021 op al die aanklagte skuldig bevind.[10]

Regter Anne Molloy het gesê "dit is byna onmoontlik om die presiese motief vir die aanval uit te werk", maar sy aanvaar die getuienis van verskeie kenners dat Minassian moontlik vir die polisie gejok het en dat berugtheid sy hoofmotief was, hoewel vrouehaat en insel-ideologie steeds 'n rol kon gespeel het.[11] Op 13 Junie 2022 is Minassian gevonnis tot lewenslange tronkstraf met geen moontlikheid van parool vir 25 jaar nie.[12]

Verdagte

[wysig | wysig bron]

Die polisie het die verdagte geïdentifiseer as Alek Minassian, wat geen vorige misdaadrekord gehad het nie.[13] Sy pa, Vahe, het van Armenië na Kanada verhuis en as sagteware-ontwikkelaar gewerk. Sy ma, Sona, was van Iran en het by 'n IT-maatskappy gewerk.[14]

Minassian is gebore in North York, voorheen 'n onafhanklike stad en nou deel van Toronto.[15] Volgens sy LinkedIn-profiel was hy van 2011 tot 2018 'n student aan die Seneca-kollega in North York. Sy voormalige hoërskoolklasmaats het hom beskryf as "nie uiters sosiaal nie" en "onskadelik".[16] Minassian het 'n spesiale klas vir kinders in die outismespektrum bygewoon.[17] Sy ma het in 2009 in 'n artikel gesê hy het Aspergersindroom gehad.[18]

Laat in 2007 het Minassian vir twee maande by die Kanadese weermag aangesluit, en toe gevra vir vrywillige ontslag.[19] 'n Senior militêre amptenaar het gesê Minassian "het nie by die militêre lewe aangepas nie" en "daar was geen waarskuwingstekens en niks wat op iets soos dié gedui het nie."[20]

Ná die aanval is 'n Facebook-plasing deur Minassian ontdek waar hy sê hy identifiseer as 'n insel ("involuntêre selibaat").[21]"Dit verwys na iemand wat nie 'n seksmaat kan kry nie,[22] en dié subkultuur bestaan hoofsaaklik uit aanlyn gemeenskappe vir mans.[23][24]

Verwysings

[wysig | wysig bron]
  1. ↑ 1,0 1,1 "'A huge loss': Yonge Street van attack victim Amaresh Tesfamariam missed 'every day'". Toronto.com. Toronto, Ontario, Kanada. 12 November 2021. Geargiveer vanaf die oorspronklike op 12 November 2021. Besoek op 12 November 2021.
  2. ↑ Tait, Melissa. "Toronto van attack: What we know about the lives lost, the suspect and more". The Globe and Mail. Toronto. Geargiveer vanaf die oorspronklike op 26 April 2018. Besoek op 26 April 2018.
  3. ↑ Austen, Ian; Stack, Liam (23 April 2018). "Toronto Van Plows Along Sidewalk, Killing 9 in 'Pure Carnage'". The New York Times. Geargiveer vanaf die oorspronklike op 11 Mei 2019. Besoek op 23 April 2018.
  4. ↑ "Canada's Trudeau says security unchanged after Toronto van attack". France 24 (in Engels (VSA)). 24 April 2018. Geargiveer vanaf die oorspronklike op 24 April 2018. Besoek op 24 April 2018.
  5. ↑ Porter, Catherine (27 April 2018). "Eight of 10 Victims in Toronto Van Rampage Were Women". New York Times. Geargiveer vanaf die oorspronklike op 9 Junie 2021. Besoek op 6 Desember 2020.
  6. ↑ Gillis, Wendy; Powell, Betsy (25 April 2018). "Rampage victims mainly women". Toronto Star. Geargiveer vanaf die oorspronklike op 26 April 2018. Besoek op 26 April 2018 – via www.pressreader.com.
  7. ↑ Boy, Louis (25 April 2018). "Attaque à Toronto : on vous explique qui sont les Incels, ces célibataires misogynes dont se revendique le suspect". France Info (in Frans).
  8. ↑ Wilson, Codi (26 Maart 2020). "Toronto van attack trial postponed again, Alek Minassian's lawyer confirms". CTV News. Toronto. Geargiveer vanaf die oorspronklike op 27 Maart 2020. Besoek op 17 Julie 2020.
  9. ↑ "Toronto van attack suspect says he was 'radicalized' online by 'incels'". The Guardian (in English). 27 September 2019. Geargiveer vanaf die oorspronklike op 27 September 2019. Besoek op 18 Julie 2024.{{cite news}}: AS1-onderhoud: onerkende taal (link)
  10. ↑ Gillies, Rob (3 Maart 2021). "Man who used van to kill 10 pedestrians in Toronto guilty". The Associated Press. Geargiveer vanaf die oorspronklike op 12 April 2021. Besoek op 19 Maart 2021.
  11. ↑ Rozdilsky, Jack L.; Snowden, Edward (4 Maart 2021). "Toronto van attack: Guilty verdict, but Canada still needs to tackle ideological violence". The Conversation (in Engels). Geargiveer vanaf die oorspronklike op 10 Maart 2021. Besoek op 19 Maart 2021.
  12. ↑ "'These lives were precious': Toronto van attacker sentenced to life in prison". cp24.com. 13 Junie 2022. Geargiveer vanaf die oorspronklike op 16 Junie 2022. Besoek op 16 Junie 2022.
  13. ↑ Goodfield, Kayla; Wilson, Codi (23 April 2018). "Van attack that killed 10 people in North York was 'definitely deliberate': police". CP24. Geargiveer vanaf die oorspronklike op 24 April 2018. Besoek op 24 April 2018.
  14. ↑ Laidlaw, Katherine (22 April 2019). "The man behind the Yonge Street van attack". Toronto Life. Geargiveer vanaf die oorspronklike op 28 Mei 2020. Besoek op 3 Maart 2021.
  15. ↑ Hasham, Alyshah (4 Januarie 2021). "Nine key revelations from the psychological reports on Toronto van attack driver Alek Minassian". Toronto Star (in Engels).
  16. ↑ Agencies (24 April 2018). "Deadly Toronto van driver: What we know about Alek Minassian". GulfNews. Geargiveer vanaf die oorspronklike op 24 April 2018. Besoek op 24 April 2018.
  17. ↑ Monsebraaten, Laurie (26 April 2018). "'We're not a violent group of people': Ex-classmate of Alek Minassian speaks out about autism". Toronto Star. Geargiveer vanaf die oorspronklike op 16 September 2018. Besoek op 16 September 2018.
  18. ↑ Grimaldi, Jeremy (24 April 2018). "Alleged attacker Alek Minassian may have mental health issues". Richmond Hill Liberal. Metroland Media Group. Geargiveer vanaf die oorspronklike op 16 Desember 2018. Besoek op 16 Desember 2018.
  19. ↑ Frisk, Adam (24 April 2018). "Toronto van attack: What we know about suspect Alek Minassian". Global News. Geargiveer vanaf die oorspronklike op 24 April 2018. Besoek op 25 April 2018.
  20. ↑ "Facebook post linked to Toronto van attack points to insular, misogynistic world of 'incels'". CBC. 25 April 2018. Geargiveer vanaf die oorspronklike op 25 April 2018. Besoek op 26 April 2018.
  21. ↑ "Why some 'incels' are celebrating accused in Toronto van attack". CBC. Geargiveer vanaf die oorspronklike op 24 April 2018. Besoek op 25 April 2018.
  22. ↑ Koulouris, Theodore. "Online misogyny and the alternative right: debating the undebatable." Feminist Media Studies (2018): 1–12.
  23. ↑ Mezzofiore, Gianluca (25 April 2018). "The Toronto suspect apparently posted about an 'incel rebellion.' Here's what that means". CNN. Geargiveer vanaf die oorspronklike op 26 April 2018. Besoek op 26 April 2018.
  24. ↑ Daigle, Thomas (19 Junie 2020). "Canadians among most active in online right-wing extremism, research finds". CBC News. Geargiveer vanaf die oorspronklike op 15 Augustus 2020. Besoek op 15 Augustus 2020.

Skakels

[wysig | wysig bron]
Ontsluit van "https://af.wikipedia.org/w/index.php?title=Toronto-paneelwa-aanval_van_2018&oldid=2775765"