Toshiki Kaifu
Toshiki Kaifu (海部 俊樹, Kaifu Toshiki, 2 Januarie 1931 – 9 Januarie 2022) was 'n Japannese politikus wat van 1989 tot 1991 as die Eerste minister van Japan gedien het.
Kaifu, gebore in Nagoya, het aan die Waseda-universiteit gegradueer en is vir die eerste keer in 1960 tot die Kokkai verkies as 'n lid van die Liberaal-Demokratiese Party. Hy het van 1976 tot 1977 onder Takeo Foekoeda as minister van onderwys gedien, en van 1985 tot 1986 onder Yasuhiro Nakasone.
In 1989 het Kaifu eerste minister geword ná die bedanking van die laaste twee premiers, Noboru Takeshita en Sōsuke Uno, te midde van verskeie skandale; hy is deels gekies vanweë sy rein beeld. Tydens sy ampstermyn het Kaifu gewerk om betrekkinge met China te verbeter en groot finansiële bydraes tot die koalisie in die Persiese Golfoorlog gemaak. Nadat sy pogings tot politieke hervorming onsuksesvol was, het Kaifu in 1991 as eerste minister bedank en is deur Kiichi Miyazawa opgevolg.
Eksterne skakels
[wysig | wysig bron]
Wikimedia Commons het meer media in die kategorie Toshiki Kaifu.
