Trogonidae
| Bosloeries | |
|---|---|
_male_San_Isidro.jpg) | |
| Swartwangbosloerie (Trogon personatus temperatus) te San Isidro in Ekwador | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | AOU, 1886 |
| Familie: | Trogonidae Lesson, 1828 |
| Genera | |
|
Apaloderma | |
 | |
| globale verspreiding van die familie en orde | |
Die bosloeries en kwetsals is voëls in die orde Trogoniformes wat uit 'n enkele familie, die Trogonidae bestaan. Hierdie familie bevat 49 spesies in sewe genera. Die fossielrekord van die bosloeries dateer terug tot 49 miljoen jaar gelede in die vroeë Eoseen. Hulle mag 'n vertakking van 'n basale radiasie van die troupant- en sangvoëlordes uitmaak,[1] óf mag naverwant aan muisvoëls en uile wees.[2][3] Die woord trogon is Grieks vir "knagend" en verwys na hul gewoonte om holtes in verrottende boomstamme of termietneste te knaag om hul neste in te plaas.
Bosloeries is bewoners van tropiese woude wêreldwyd. Die grootste diversiteit is in die Neotrope, waar vier genera en 34 spesies voorkom. Die genus Apaloderma bevat die drie Afrikaanse spesies. Die genera Harpactes en Apalharpactes omvat saam twaalf spesies wat inheems aan Suidoos-Asië is.[4]
Hulle voed op insekte, vrugte en selfs akkedissies, en hul breë snawels, buksbene en delikate pote reflekteer hul dieet en boomlewende gewoontes. Alhoewel hul vlug vinnig is, is hulle nie langafstandvlieërs nie. Bosloeries is oor die algemeen nie trekvoëls nie, alhoewel individue van enkele spesies plaaslike bewegings onderneem. Bosloeries het sagte en dikwels kleurryke vere (soos helderrooi, oranje, geel, blou en groen) met onderskeibare manlike en vroulike veredosse.
Hulle is die enigste soort dier met 'n heterodaktiele toonrangskikking, 'n antieke kenmerk waar die tweede toon permanent terugwaarts georiënteer is. Die tarsometatarsus (onderbeen) is dik en kort. Hulle kan teen vertikale boombas klou en op takke sit, maar kan weens hul swak beenspiere kwalik op takke loop of skuifel. Meestal sit hulle dus bewegingloos en wag vir prooidiere om hul opwagting te maak.
In hul diep, beboste habitats is bosloeries onopvallend. Hulle voed stil in die middelste lower en blaredak, maar jag soms in samewerking met voedende gemengde spesieswerms. As hulle dit na die woudrand waag is dit om by vrugtebome uit te kom. Hul neste word in boomholtes of in termietneste geplaas, waarin 2 tot 4 wit of pastelkleurige eiers gelê word. Habitatverlies en -fragmentasie word as die grootste langtermynbedreigings vir die familie beskou.
Kyk ook
[wysig | wysig bron]Verwysings
[wysig | wysig bron]- ↑ Johansson, Ulf S. & Ericson, Per G.P. (2003). "Molecular support for a sister group relationship between Pici and Galbulae (Piciformes sensu Wetmore 1960)" (PDF). Journal of Avian Biology. 34 (2): 185–197. doi:10.1034/j.1600-048X.2003.03103.x. Geargiveer (PDF) vanaf die oorspronklike op 24 Mei 2006.
- ↑ McCormack, John E.; Harvey, Michael G.; Faircloth, Brant C.; Crawford, Nicholas G.; Glenn, Travis C.; Brumfield, Robb T. (2013). "A Phylogeny of Birds Based on over 1,500 Loci Collected by Target Enrichment and High-Throughput Sequencing". PLOS ONE. 8 (1) e54848. arXiv:1210.1604. Bibcode:2013PLoSO...854848M. doi:10.1371/journal.pone.0054848. PMC 3558522. PMID 23382987.
- ↑ Hackett, S.J.; Kimball, R.T.; Reddy, S.; Bowie, R.C.K.; Braun, E.L.; Braun, M.J.; Chojnowski, J.L.; Cox, W.A.; Han, K.-L. (2008). "A Phylogenomic Study of Birds Reveals Their Evolutionary History". Science. 320 (5884): 1763–1768. Bibcode:2008Sci...320.1763H. doi:10.1126/science.1157704. PMID 18583609. S2CID 6472805.
- ↑ Collar, N.J. (2001). "Family Trogonidae (Trogons)", pp. 80–129 in del Hoyo, J.; Elliot, A. & Sargatal, J. (reds.). (2001) Handbook of the Birds of the World, Vol. 6 Mousebirds to Hornbills. Lynx Edicions, Barcelona, Spain. ISBN 84-87334-30-X