Die Troudag van Tant Ralie
Die troudag van Tant Ralie is 'n 82 minuut lange Afrikaanse komedie wat in 1975 vrygestel is.[1] Die film is deur Ivan Hall geregisseer met 'n draaiboek deur C.F. Beyers-Boshoff, vervaardig deur Kavaliers Filmproduksies (Ben Vlok) en versprei deur Nu Metro.[1]
Sinopsis
[wysig | wysig bron]Die opvolgprent van Tant Ralie se Losieshuis dompel ons weer in die welbekende huis waar die dinamiek tussen die twee vriendinne, Ralie en Mathilda, opnuut beproef word deur hul jaloesie en bitsige opmerkings. Die spanning bereik 'n hoogtepunt wanneer Ralie besluit om te trou. Sy staan egter voor 'n dubbele uitdaging: nie net sukkel sy om 'n geskikte man te vind nie, maar sy moet ook Mathilda se teenkanting en afguns trotseer. Die situasie word verder kompliseer met die onthulling dat een van die twee moet trou om 'n erfporsie te ontvang.[1]
Rolverdeling
[wysig | wysig bron]Die rolverdeling is Wena Naudé, Sann de Lange, Siegfried Mynhardt, Fanie Bekker, Robert Drayton, Diana Newman, Maryke van Dyk, Bruwer Engelbrecht, Nerina Ferreira, Fitz Morley, Ulrich Fobian, en Marilyn Albutt.[1]
Verwysings
[wysig | wysig bron]- 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.