Tsaar Bomba

in Wikipedia, die vrye ensiklopedie
Spring na: navigasie, soek
'n Replika van die Tsaar Bomba in die Sarov-atoombommuseum
Terrein waar die Tsaar Bomba getoets is.

Tsaar Bomba, bynaam vir die AN602 H-bom, was die grootste en kragtigste kernwapen wat ooit gebruik is. Dit is oorspronklik deur die Sowjetunie op 30 Oktober 1961 getoets. Dit was 'n driefase-waterstofbom en word soms die "Vader van Bomme" genoem.

Die ontploffing het 'n krag van 56 000 000 ton TNT (56 megaton) gelewer. Dit is oorspronklik as 'n 100 megaton-bom ontwerp, maar as gevolg van die tegniese uitdaging om so 'n groot bom af te sit, is dit deur tegnici na 56 megaton afgeskaal. Dit was steeds 10 keer kragtiger as al die plofstowwe wat tydens die Tweede Wêreldoorlog gebruik is.

Die bom is oor Nowaja Zemlja in die noorde van Rusland getoets. Radioaktiewe uitval is beperk omdat dit op 'n hoogte van 4 kilometer bokant die grond afgesit is.

Die bom is deur 'n Sowjet-bomwerper, die Tupolev Tu-95 vervoer. Dit was een van die enigste vliegtuie ter wêreld wat die bom kon dra. Toe die bom ontplof het, het die bomwerper as gevolg van die skokgolf een kilometer in hoogte geval.

Eksterne skakels[wysig | wysig bron]

Koördinate: 73°51′0″N 54°30′0″O / 73.85000°N 54.50000°O / 73.85000; 54.50000