Klipnenta

in Wikipedia, die vrye ensiklopedie
(Aangestuur vanaf Tylecodon ventricosus)
Jump to navigation Jump to search

Klipnenta
Tylecodon ventricosus 84669818.jpg
Tylecodon ventricosus 15700229.jpg
Wetenskaplike klassifikasie
Koninkryk:
(geen rang):
(geen rang):
(geen rang):
Orde:
Familie:
Genus:
Spesie:
T. ventricosus
Binomiale naam
Tylecodon ventricosus
(Burm.f.) Toelken

Die Klipnenta[1] (Tylecodon ventricosus (Burm.f.) Toelken) is 'n plant wat endemies aan Suid-Afrika is en in die provincies Wes-Kaap, Oos-Kaap en Noord-Kaap voorkom. Op die SANBI-rooilys word dit as 'veilig' gelys.[2]

Dit is 'n stam- en blaarsukkulent wat uit 'n gedeeltelik ondergrondse verdikte wortelstok groei. Dit vorm stompige spreidende takke wat 30 cm hoog en 2 cm in deursnee kan word. Die plant is bladwisselend en die blare is langwerpig lansvormig en effens behaard. Die bloeiwyse is trosvormig en die blomme staan in groepies van 2-3 by mekaar. Die blomme is gelerig groen aan die basis en word perserig bruin na die effens teruggeboë toppe toe.[3]

Nes ander spesies van die genus Tylecodon is hierdie plant giftig vir skape en veroorsaak die simptome van krimpsiekte.[4]

Verwysings[wysig | wysig bron]

  1. ook:Klipnentacotyledon, Krimpsiekte, Neenta, Nenta, Nentabossie
  2. "SANBI" (in Engels). Geargiveer vanaf die oorspronklike op 20 September 2015.
  3. "Operation Wildflower" (in Engels). Geargiveer vanaf die oorspronklike op 19 Mei 2020.
  4. Krimpsiekte in a sheep following a single dose of Tylecodon ventricosus (Burm. f.) Toelken and the isolation of tyledoside D from this plant species. Botha CJ, Kellerman TS, Schultz RA, Erasmus GL, Vleggaar R, Retief E. Onderstepoort J Vet Res. 1998 Mar;65(1):17-23..